Aaj News

اتوار, جولائ 14, 2024  
08 Muharram 1446  

اپوزیشن نے بجٹ میں عائد ٹیکسز کو ظالمانہ قرار دے دیا

عوام کا استحصال کیا جا رہا ہے، کس بات کی سزا دی جا رہی ہے، شبلی فراز
شائع 12 جون 2024 07:51pm
فوٹو۔۔۔فائل
فوٹو۔۔۔فائل

وفاقی حکومت نے 18877 ارب روپے کا مالی سال 2024-25 کا بجٹ پیش کردیا ہے۔ آئندہ مالی سال کے بجٹ میں عائد ٹیکسز کو اپوزیشن نے ظالمانہ قرار دیا ہے۔

سینیٹ اجلاس میں اظہار خیال کرتے ہوئے قائد حزب اختلاف شبلی فراز نے کہا کہ بجٹ میں لگائے گئے ٹیکسز ظالمانہ ہیں، گزشتہ 15سال میں ایسا نہیں دیکھا گیا جو اس بجٹ میں ہے۔

انھوں نے کہا کہ عوام کا استحصال کیا جا رہا ہے، لوگوں کو کس بات کی سزا دی جا رہی ہے۔

موبائل فونز، سیمنٹ، جائیداد، ٹیکسٹائل سیگریٹ سمیت کئی اشیا مہنگی، لوہا اور اسکریپ سستا

ان کا کہنا تھا کہ یہ حکومت کی بری حکمرانی ہے، جمعرات سے بجٹ پر کھلی بحث ہو گی، جس میں اپوزیشن لیڈر اپنا موقف پیش کریں گے۔

shibli faraz

Senate of Pakistan

Pakistan Tehreek Insaf (PTI)

IMF Tax

Budget 2024 25