بھارت کے ایک شہر میں پندرہ سالہ لڑکا سوئمنگ پول سے نکلا، چند قدم چل کر گرا اور گرتے ہی دم توڑ دیا۔

اترپردیش میں دہلی سے 75 کلومیٹر دور میرٹھ شہر میں رونما ہونے والے اس حادثے سے وہاں موجود تمام افراد پر خوف طاری ہوگیا۔

اس حادثے کے بعد سوئمنگ پول کا مینیجر غائب ہوگیا۔ پولیس نے سوئمنگ پول کے پانی کے نمونے تجزیے کے لیے لیباریٹری بھجوادیے ہیں۔

اس واقعے کی ویڈیو بھی سوشل میڈیا اکاؤنٹس اور مین اسٹریم میڈیا کے بیشتر آؤٹ لیٹس پر وائرل ہوچکی ہے۔ لڑکے کو اسپتال پہنچایا گیا تو ڈاکٹرز نے بتایا کہ وہ بیس منٹ پہلے مرچکا تھا۔