خیبرپختونخوا کے ضلع ٹانک میں تھانہ گومل کی حدود کوٹ اعظم میں چھٹی پر گھر جانے والے ایف سی کے تین اہلکاروں کو نامعلوم مسلح افراد نے اغوا کرلیا۔

پولیس کے مطابق تین ایف سی اہلکار جوکہ علاقہ سرغر سے چھٹی پر اپنے گھر پرائیوٹ گاڑی میں جارہے تھے کہ کوٹ اعظم کے علاقے میں نامعلوم مسلح افراد نے گاڑی کو روک کر تینوں اہلکاروں کو اتارا اور اپنے ساتھ لے گئے۔

شمالی وزیرستان : آپریشن کے دوران کیپٹن محمد اسامہ شہید، 2 دہشتگرد ہلاک

ڈی پی او ٹانک عبدالسلام خالد کے مطابق واقعے کی اطلاع ملتے ہی فوری طور پر پولیس اور سیکورٹی اداروں نے علاقے میں اغوا کاروں کے خلاف سرچ آپریشن شروع کردیا ہے۔