Aaj News

ہفتہ, فروری 15, 2025  
16 Shaban 1446  

تقریب کے دوران انٹونی بلنکن کے خلاف احتجاج، ’نسل کشی کا سیکریٹری‘ قرار

انٹونی بلنکن میڈیا سے گفتگو کررہے تھے کہ اسی دوران ایک خاتون کھڑی ہوئیں اور انہوں نے احتجاج کرنا شروع کیا
اپ ڈیٹ 17 جنوری 2025 09:14am

واشنگٹن ڈی سی میں خطاب کے دوران ایک خاتون نے امریکی سیکریٹری خارجہ انٹونی بلنکن کو ’نسل کشی کا سیکریٹری‘ قرار دے دیا۔

منگل کو ایک تقریب کے دوران خاتون نے انٹونی بلنکن کے خلاف احتجاج کیا اور ان پر نسل کشی سمیت دیگر سنگین الزامات عائد کیے۔

شمالی غزہ میں بم دھماکے میں 5 اسرائیلی فوجی اہلکار ہلاک، 10 زخمی

بین الاقوامی میڈیا رپورٹ کے مطابق امریکی سیکریٹری خارجہ انٹونی بلنکن میڈیا سے گفتگو کررہے تھے کہ اسی دوران ایک خاتون کھڑی ہوئیں اور انہوں نے احتجاج کرنا شروع کیا۔

خاتون نے انٹونی بلنکن کو وزیر خارجہ کی جگہ نسل کشی کا وزیر قرار دیتے ہوئے کہا کہ ہم تمہیں معاف نہیں کریں گے۔

اسرائیلی فوجیوں نے مزید جنگ نہ لڑنے کی دھمکی دے دی

حجابی خاتون نے کہا کہ انٹونی بلنکن تم نسل کشی کے سیکریٹری ہو اور تمہاری وجہ سے ہزاروں لوگوں کی نسل کشی ہوئی، تم نے انسانیت کی تذلیل کی ہے۔

انٹونی بلنکن نے خاتون کے احتجاج پر جواب میں کہا کہ میں آپ کے نقطہ نظر کا احترام کرتا ہوں۔

بعد ازاں انتظامی اہلکاروں نے خاتون کو پکڑ کر کمرے سے باہر نکال دیا۔

Antony Blinken

Gaza genocide

Genocide Secretary

Antony Blinken Protest