امریکی وزیر خارجہ کی کواڈ اتحاد کے وزرائے خارجہ سے ون آن ون ملاقات
چین کے خلاف سخت موقف رکھنے والے امریکی وزیر خارجہ مارکو روبیو کی “ کو آڈ اتحاد “ کے وزرا خارجہ سے ملاقات ہوئی۔
مارکو روبیو نے اپنی حلف برداری کے چند گھنٹے بعد آسٹریلیا، جاپان اور بھارت کے وزرا خارجہ سے ملاقات کی جسے چین کے گرد گھیرا تنگ کرنے کی جانب قدم قرار دیا جا رہا ہے۔
امریکی محکمہ خارجہ میں ہوئی اس ملاقات میں چاروں وزرائے خارجہ نے صحافیوں سے بات چیت کرنے سے گریز کیا۔
امریکا میں پیدائش پر شہریت کا قانون کب اور کیوں بنا؟
بعد ازاں مارکو روبیو نے بھارتی وزیر خارجہ جے شنکر سمیت کواڈ کے دیگر وزرا سے ون آن ون ملاقاتیں کیں۔
کوآڈ اتحاد 2007 میں قائم کیا گیا تھا کو چین کی بڑھتی ہوئی طاقت کے مقابلے میں ایک اہم اتحادی فورس سمجھا جاتا ہے، اور چین اسے ایشین نیٹو کے طور پر دیکھتا ہے۔
واضح رہے کہ اس سے قبل مارکو روبیو ایک بیان میں کہہ چکے ہیں کہ امریکا کیلیے چین خطرناک ثابت ہوسکتا ہے۔
Comments are closed on this story.