ضلعی انتظامیہ پشاور نے ڈرونز اور کواڈ کاپٹرز اڑانے پرپابندی عائد کر دی ہے۔ جاری کردہ اعلامیے کے مطابق یہ فیصلہ موجودہ سیکیورٹی صورت حال، اہم تنصیبات کی حفاظت اور عوام کے جان و مال کے تحفظ کو یقینی بنانے کے لیے کیا گیا ہے۔

انتظامیہ کا کہنا ہے کہ پابندی کا مقصد کسی بھی ممکنہ افراتفری یا بدامنی کے خطرات کو روکنا ہے۔ یہ پابندی 30 دن کے لیے نافذالعمل رہے گی اور خلاف ورزی کرنے والوں کے خلاف دفعہ 188 کے تحت کارروائی عمل میں لائی جائے گی۔

پاکستان بھارت کے درمیان پہلی ڈرون جنگ: مستقبل میں تباہی کس حد تک ہوسکتی ہے؟

ضلعی انتظامیہ نے عوام سے اپیل کی ہے کہ شہری کسی بھی مشکوک سرگرمی کی صورت میں فوری طور پر متعلقہ حکام کو اطلاع دیں، تاکہ سیکیورٹی اقدامات کو مؤثر بنایا جا سکے۔