اسرائیل میں تعینات امریکی سفیر مائیک ہکابی نے تصدیق کی ہے کہ امریکی سفارت خانہ اور قونصل خانہ آج بند رہیں گے کیونکہ علاقے میں ”شیلٹر اِن پلیس“ کی ہدایت اب بھی نافذ العمل ہے۔ انہوں نے بتایا کہ تل ابیب میں امریکی سفارت خانے کی شاخ کے قریب ایرانی میزائل حملوں کے جھٹکوں سے معمولی نقصان ہوا ہے تاہم امریکی عملے کو کوئی نقصان نہیں پہنچا۔

مائیک ہکابی نے کہا، ’جو لوگ یروشلم میں امریکی سفارت خانے میں کام کرنے والی ہماری ٹیم کے بارے میں فکر مند ہیں، ان کا شکریہ۔‘

انہوں نے اسرائیل میں مقیم تقریباً 7 لاکھ امریکی شہریوں کو سفری ہدایات، ہوائی اڈوں کی بحالی یا سفارت خانے کی سرگرمیوں سے متعلق تازہ معلومات کے لیے امریکی سفارت خانے کی ویب سائٹ یا یروشلم میں امریکی سفارت خانے کے آفیشل اکاؤنٹ (@usembassyjlm) پر نظر رکھنے کا مشورہ دیا۔