لاہور: قومی کرکٹ ٹیم کے مایہ ناز کھلاڑی عبدالرزاق کی دنیائے کرکٹ میں واپسی ،عبدالرزاق کو پاکستان سپر لیگ کا حصہ بنا لیا گیا۔  

ذرائع کے مطابق پاکستان پی ایس ایل گورننگ کونسل نے برسوں سے نظرانداز کھلاڑی عبدالرزاق کو پاکستان سپر لیگ میں شامل کر لیا ہے۔ عبدالرازاق نے پی ایس ایل میں اپنی شمولیت نہ ہونے پر ایک ٹی وی شو میں ناراضگی کا اظہار کیا تھا۔جس کے بعد اب پی ایس ایل گورننگ کونسل نے ان کو پی ایس ایل میں شامل کرلیا ہے۔
اطلاعات کے مطابق عبدالرازاق کو گولڈ کیٹیگری میں شامل کیا گیا ہے۔مایہ ناز آل راﺅنڈر عبدالرزاق کو پی سی بی کے جانب سے جاری کردہ پی ایس ایل کی کھلاڑیوں کی فہرست سے نظرانداز کردیا تھا ،تاہم اب وہ پی ایس ایل کا حصہ بن گئے ہیں۔
اپنی بہترین باﺅلنگ اور بیٹنگ کے باعث مشہور ہونے والے عبدالرزاق نے ٹی ٹوئنٹی میںبتیس میچوں میں تین سو ترانواے رنز بنا رکھے ہیں۔ اس کے علاوہ بیس وکٹیں بھی حاصل کر چکے ہیں ۔
عبدالرزاق پچھلے دو سال سے قومی ٹی ٹوئنٹی ٹیم کا حصہ نہیں ہیں تاہم وہ ڈومیسٹک میچز اور غیر ملکی کرکٹ لیگز میں جلوہ گر ہوتے رہتے ہیں۔