ممبئی: اداکارہ سونم کپور نے انکشاف کیا ہے کہ وہ اپنی فلم کی کامیابی کیلئے اپنے سر کے بال تک منڈوانے کو تیار ہیں۔

بھارتی میڈیا کے مطابق فلم 'ویرے دی ویڈنگ 'کی پروموشن کیلئے سرگرم سونم کپور نے کہا ہے کہ وہ اپنی فلم کی کامیابی کیلئے کسی بھی حد تک جا سکتی ہیں۔

ان کا کہنا تھا کہ وہ کسی بھی فلم کیلئے گنجا ہونا پسند کریں گی کیونکہ ان کے سر کی بناوٹ بے حد خوبصورت ہے اور اگر وہ گنجی ہو جائیں گی تو بھی خوبصوت ہی نظر آئیں گی۔

31سالہ خوبرو اداکارہ کا مزید کہنا تھا کہ انہیں حال ہی میں فلم مرزیا کی آفر ہوئی ہے اور اگر وہ فلم سائن کریں گی تو وہ گنجا ہونے کو ترجیح دیں گی۔

 فلم 'ویرے دی ویڈنگ' کی پروڈکشن سونم کپور کی بہن رحیہ کپور اور بالا جی کی سربراہ ایکتا کپور کر رہے ہیں جبکہ فلم میں کرینہ کپور کو بھی کاسٹ کیا گیا ہے۔

بشکریہ ہندوستان ٹائمز