نئی دہلی: بولی وڈ اداکارہ کرینہ کپورنے سوتیلی بیٹی سارہ علی خان کو مستقبل میں بولی وڈ نگری کی بڑی اداکارہ قرار دے دیا۔

بھارتی میڈیا رپورٹس کے مطابق کرینہ کپورکے شوہرسیف علی خان کی سابقہ بیوی امرتا سنگھ سے ہونے والی بیٹی سارہ علی خان حال ہی میں اپنی تعلیم مکمل کرنے کے بعد وطن واپس لوٹی ہیں اورانہوں نے بھی اپنے والدین اوردادی کی طرح اداکاری کو ہی چنا ہے۔

کرینہ کپور نے اپنے ایک انٹرویو میں کہا ہے کہ سارہ کی جانب سے بولی وڈ میں قدم رکھنے پر بہت خوش اور پر امید ہوں کیونکہ سارہ خوبصورتی اورذہانت کا بہترین امتزاج ہے۔ اس کے علاوہ وہ بہت پر اعتماد بھی ہے ، ان ہی خوبیوں کی بدولت وہ یقین سے کہہ سکتی ہیں کہ سارہ بولی وڈ کی بہترین اداکارہ بنے گی۔

سارہ علی خان بولی وڈ ہدایت کار موہت سوری کی فلم میں جلوہ گرہوں گی اوران کےمقابل ہیرو شاہد کپور کے سوتیلے بھائی ایشان کھتر ہونگے۔

بشکریہ انڈیا ٹوڈے