بولی وڈ کی مشہور فلم دبنگ کے نئے سیکوئل کیلئے سوناکشی کی جگہ پرنیتی کو مرکزی کردار دیئے جانے کی خبریں گرم ہیں۔

خبر کی تصدیق کرنے والے سلمان خان کے قریبی اسپاٹ بوائے کا کہنا ہے کہ پروڈیوسر ارباز خان دبنگ 3 میں مرکزی کردار' رجّو' جو پچھلے دو حصوں میں سوناکشی ادا کر چکی ہیں کہ کردار کیلئے پرنیتی کو بہتر سمجھتے ہیں، جس کے حوالے سے وہ جلد پرنیتی سے رابطہ کریں گے۔

کچھ عرصہ قبل سوناکشی کو پروڈیسر ارباز خان نے فلم ڈولی کی ڈولی سے ڈراپ کیا تھا جس کے بعد سوناکشی اور سلمان کے درمیان مبینہ اختلافات کی خبریں بھی آتی رہی ہیں۔

تاہم چند روز قبل ثانیہ مرزا کی سوانح حیات پر مبنی کتاب کی تقریبِ رونمائی میں سلمان اور پرنیتی کو ایک ساتھ دیکھا گیا ہے۔ اب دیکھنا یہ ہے کہ کیا پرنیتی سوناکشی کی جگہ لے پائیں گی یا نہیں؟

بہ شکریہ ہندوستان ٹائمز