ممبئی:بولی وڈ کی "اے"کیٹگری میں شمار ہونے والی معروف اداکارہ کرینہ کپور خان فلموں کے انتخاب کے معاملے میں ہمیشہ ہی محتاط رہی ہیں۔

وہ بہت سوچ سمجھ کر  فلموں کا انتخاب کرتی ہیں اور صرف وہی فلمیں سائن کرتی ہیں جو بڑی بجٹ کی ہوں یا جن میں ان کے مقابل  بڑے اداکاروں کو کاسٹ کیا گیا ہو۔

 اپنے اس رویے کے باعث وہ بہت سی ایسی فلموں کو ٹھکرا چکی ہیں جنہوں نے ریلیز کے بعد کامیابی کے جھنڈے گاڑ دیے۔

آئیے دیکھتے ہیں کرینہ کی جانب سے ٹھکرائی جانے والی کامیاب فلمیں

فیشن

معروف  بولی وڈ ہدایت کارمدھوربھنڈارکر کی کامیاب ترین فلم"فیشن"پریانکا سے پہلے کرینہ کو آفر ہوئی تھی ، لیکن کرینہ کی جانب سے   آفر ٹھکرانے پر یہ پریانکا کے حصے میں آگئی، واضح رہے کہ پریانکا کے شوبز میں کامیاب سفر کے پیچھےاس فلم کا بہت بڑا ہاتھ ہے۔

ہم دل دے چکے صنم

 لسٹ میں اس فلم کا نام دیکھ کر یقیناً آپ چونک گئے ہوں گے،لیکن یہ سچ ہے ایشوریارائے کے فلمی کیرئیر کی سُپر ہٹ فلم "ہم دل دے چکے صنم"کرینہ کے حصے میں آتے آتے رہ گئی،کیونکہ کرینہ  کو اپنی پڑھائی پوری کرنے کے لیے   ملک سے باہر جانا پڑا۔

رام لیلیٰ

ہدایت کار سنجے لیلیٰ بھنسالی  کی فلم "رام لیلیٰ" کےلیے پہلا انتخاب بے بو تھیں ۔لیکن کرینہ نے صرف اس وجہ سے لیلیٰ کے کردار کو ٹھکرادیا کیونکہ  انہیں اس میں خاص دلچسپی محسوس نہیں ہوئی۔

کوئین

فلم کوئین نے اداکارہ کنگنا رناوت کو راتوں رات بولی وڈ کی "کوئین"بنادیا  اور وہ اس کردار کےلیے بہترین اداکارہ کا ایوارڈ حاصل کرنے میں بھی کامیاب ہوگئیں ،تاہم یہ کردار بھی کرینہ ٹھکرا چکی تھی۔

چنائی ایکسپریس

بڑے بجٹ  اورکنگ خان کے ہوتے ہوئے بھی کرینہ کا اس فلم کو ٹھکرانے کا مقصد  کیا تھا یہ آج تک ایک راز ہے ،لیکن  بولی وڈ کی بیگم کے منع کرنے پر دیپیکا کی قسمت کھل گئی اور انہیں یہ فلم مل گئی۔

بشکریہ:بولی وڈ ببل ڈاٹ کام