ممبئی:2017 کی پہلی سُپر ہٹ خیال کی جانے والی  فلم"رئیس"کا دوسرا گیت "ظالما"ریلیز کردیا گیا ہے۔

گانے کی کلپ اور تصویر کنگ خان اپنے ٹویٹر اکاؤنٹ پر پہلے ہی جاری کرچکے تھے جسے دیکھ کر لوگ پورا گانا دیکھنے کے لیے بے تاب تھے۔جو آج  ریلیز کردیا گیا ہے۔

گانے میں ماہرہ نہایت خوبصورت نظر آرہی ہیں جبکہ دونوں اداکاروں کی کیمسٹری بھی لاجواب ہے۔

بلاشبہ پورے گانے میں ماہرہ اپنی خوبصورت اداکاری کے باعث چھائی ہوئی ہیں۔

ان کا انداز لوگوں کو دیوانہ بنانے کے لیے کافی ہے،جبکہ شاہ رخ کو تو کنگ آف رومینس کہا جاتا ہے ان سے بہتر  رو مانٹک رول کوئی اور کر ہی نہیں سکتا۔

یہ کہنا غلط نہ ہوگا  کہ گیت ظالما لوگوں کے معیار پر پورا اترنے میں کامیاب ہو گیا ۔ظالما کے بول معروف  شاعر جاوید اختر نے لکھے ہیں  جبکہ گانے کی موسیقی  رام  سمپتھ نے دی ہے۔

اس سے قبل سنی لیونی پر فلمایا گیا گانا"لیلیٰ میں لیلیٰ"ریلیز کیا گیا تھا جسے اب تک لاکھوں کی تعداد میں شائقین دیکھ چکے  ہیں۔

خیال رہے کہ فلم"رئیس"رواں ماہ 25 تاریخ کو ریلیز کی جائے گی۔

بشکریہ:بولی وڈ لائف ڈاٹ کام