بولی وڈ   میگااسٹار امیتابھ بچن نے  پیر کو ٹوئٹر پر اپنی بلاک بسٹر فلم دیوار کی ریلیز کی 42 ویں سالگرہ منائی۔ان کا کہنا تھا کہ فلم کا اسکرین پلے اب تک کا سب سے بہترین اسکرین پلے تھا۔

بگ بی کا ٹوئٹر پر کہنا تھا کہ 'دیوار' کے 42 سال، اب تک کا سب سے بہترین اسکرین پلے۔

یش چوپڑا کی زیر ہدایت بننے والی فلم دیوار امیتابھ کے کیریئر کی بہت بڑی کامیابی تھی۔ اس فلم نے 1975کا فلم فیئر بہترین فلم کا ایوارڈ اپنے نام کیا تھااور اس کے علاوہ چھ ایوارڈ اور اپنے نام کیے تھے۔

فلم میں ششی کپور، پروین بابی، نیتو سنگھ اور نیروپا رائے مرکزی کرداروں میں تھے۔

بشکریہ زی نیوز