آئل اینڈ گیس ریگولیٹری اتھارٹی (اوگرا) نے درآمدی آر ایل این جی کی قیمتوں میں اضافہ کر دیا، سوئی ناردرن کے لیے آر ایل این جی کی قیمت 1.20 فیصد جبکہ سوئی سدرن کے لیے 1.17 فیصد مہنگی کر دی گئی جبکہ اوگرا نے نوٹیفکیشن بھی جاری کردیا۔

آئل اینڈ گیس ریگولیٹری اتھارٹی کی جانب سے جاری نوٹیفکیشن کے مطابق سوئی ناردرن کے لیے آر ایل این جی کی نئی قیمت 13.49 ڈالر فی ایم ایم بی ٹی یو مقررکی گئی ہے۔

سوئی ناردرن کے لیے آر ایل این جی کی قیمت میں 1.20 فیصد اضافہ کیا گیا ہے،سوئی ناردرن کے لیے اکتوبر میں آر ایل این جی کی قیمت 13.33 ڈالر فی ایم ایم بی ٹی یو مقرر تھی۔

نوٹیفکیشن کے مطابق سوئی سدرن کے لیے آر ایل این جی کی قیمت میں 1.17 فیصد کا اضافہ کرکے آر ایل این جی کی نئی قیمت 14.03 ڈالر فی ایم ایم بی ٹی یو مقرر کی گئی ہے۔

سوئی سدرن کے لیے اکتوبر میں آر ایل این جی کی قیمت 13.87 ڈالر فی ایم ایم بی ٹی یو مقرر تھی۔

اوگرا کی جانب سے جاری نوٹیفکیشن کے مطابق ئی قیمتوں کا اطلاق یکم نومبر 2023 سے ہوگا۔