فیصل واوڈا نے کہا ہے کہ فیض حمید کو کم سے کم 14 سال قید کی سزا ہوگی، وہ اپنے بندوں کونہیں چھوڑ رہے تو دوسروں کو چھوڑ دیں گے؟ بادشاہوں کے دل بڑے اور جیلوں کے کمرے چھوٹے ہوتے ہیں، طنزیہ گفتگو سے بانی کی تکالیف مزید بڑھ جائیں گی۔ آپ یہ خیال چھوڑ دیں کہ اسٹیبلشمنٹ آپ سے بات کرے گی، اسٹیبلشمنٹ آپ سے کبھی بات نہیں کرے گی۔

سینئر سیاستدان سینیٹر فیصل واوڈا نے آج نیوز کے پروگرام ”رو بہ رو“ میں میزبان شوکت پراچہ کے سوالوں کے جواب دیتے ہوئے اپنی گفتگو میں کہا کہ اب تو سیاست رہی نہیں، ایک ہی آدمی ہے جو لیڈ کر رہا ہے، فیلڈ مارشل تینوں مسلح افواج کی کمان سنبھالیں گے اور ان کی وجہ سے پاکستان کو وہ تمام فوائد مل رہے ہیں جن کا ملک کئی سالوں سے منتظر تھا۔ پوری قوم ان کے ساتھ کھڑی ہے۔

انہوں نے کہا کہ وزیراعظم شہباز شریف بغیر پہیے کے جہاز چلا رہے ہیں جس میں ہم سب اور وہ خود بھی شامل ہیں اور ملک کو فائدہ ہو رہا ہے، لہٰذا انہیں اس کا کریڈٹ دینا چاہیے۔

فیصل واوڈا نے فیلڈ مارشل کی قابلیت اور ایمانداری کی تعریف کرتے ہوئے کہا کہ وہ دباؤ میں نہیں آتے اور ملکی مفادات کے تمام محاذوں پر آگے ہیں، چاہے وہ آئی ایم ایف کے معاملات ہوں، سیاست، دہشت گردی یا سرمایہ کاری۔ انہوں نے کہا کہ انہیں عزت و مقام ملنا چاہیے کیونکہ وہ ایک ”ون مین شو“ ہیں۔

پی ٹی آئی کے حوالے سے انہوں نے کہا کہ اب نہ پی ٹی آئی کو سوال کرنا چاہیے، نہ اسٹیبلشمنٹ سے بات کرنی ہے اور نہ حکومت سے۔ موجودہ حکومت کی جو کمزوریاں تھیں سب چھپ گیا کیوں کہ ان کے دور میں ہی یہ کامیابیاں حاصل ہوئیں۔ انہوں نے کہا کہ اب پی ٹی آئی کے ساتھ لڑائی کا وقت نہیں بلکہ انہیں ساتھ بٹھا کر بات کرنی چاہیے۔

فیصل واوڈا نے کہا کہ اگر ان کے بچوں کو نقصان پہنچا تو پھر مودی کا سر مانگنا پڑے گا۔ مودی سے بھارت کی جان سپہ سالار ہی چھڑائے گا، اگر پانی روکا تو ہم بھارت پر حملہ کریں گے، ہم لاشوں کے ڈھیر لگادیں گے، امریکا اور پاکستان کے درمیان تجارت کے آپیشنز ’لاک‘ ہوچکے ہیں، اب اس کے نتائج آنا باقی ہیں۔

علیمہ خان کے بیان پر تبصرہ کرتے ہوئے فیصل واوڈا نے طنزیہ انداز میں کہا کہ ”بادشاہت تو ہے، بادشاہوں کے دل بڑے اور جیلوں کے کمرے چھوٹے ہوتے ہیں۔“ انہوں نے کہا کہ اسٹیبلشمنٹ کبھی پی ٹی آئی سے بات نہیں کرے گی اور فیض حمید کو کم از کم 14 سال قید کی سزا ملے گی۔ عمران خان کی جلد رہائی کے امکانات نہیں ہیں

انہوں نے مزید کہا کہ جس جہاز میں وہ خود بیٹھے ہیں، اس میں ن لیگ بھی ہے اور پی ٹی آئی بھی اسی جہاز میں میں بیٹھنے آ رہی ہے۔

پاک فوج کے ترجمان لیفٹیننٹ جنرل احمد شریف چوہدری نے کہا ہے کہ بھارت 20 برس سے ریاستی دہشت گردی کررہا ہے، خضدار واقعے میں فتنۃ الہندوستان ملوث ہے، فتنۃ الہندوستان نے خضدار میں دہشت گردی اور بھارتی پشت پناہی کا اعتراف کیا، فتنۃ الہندوستان کا بلوچستان سے کوئی تعلق نہیں، یہ درندے ہندوستان کے پیسے پر بربریت کر رہے ہیں، بلوچ بھی پوچھتے ہیں، دہشت گردی کا بلوچستان سے کیا تعلق ہے؟

ڈی جی آئی ایس پی آر لیفٹیننٹ جنرل احمد شریف چوہدری نے وفاقی سیکرٹری داخلہ محمد خرم آغا کے ہمراہ اسلام آباد میں مشترکہ پریس کانفرنس سے خطاب کیا، جس میں خطے کی سیکیورٹی صورتحال، بھارتی اقدامات اور حالیہ دہشت گردی کے واقعات پر تفصیلی گفتگو کی گئی۔

بھارت خطے میں امن کو سبوتاژ کرنا چاہتا ہے، ڈی جی آئی ایس پی آر

ڈی جی آئی ایس پی آر لیفٹیننٹ جنرل احمد شریف چوہدری نے کہا کہ بھارت خطے میں امن کو سبوتاژ کرنا چاہتا ہے، قیام پاکستان کے بعد سے بھارت وطن عزیز کے خلاف سرگرم ہے، بھارت 20 سال سے ریاستی دہشت گردی کی پالیسی اپنائے ہوئے ہے، مکتی باہنی اور سقوط ڈھاکا اس کی واضح مثال ہے۔

ترجمان پاک فوج نے کہا کہ بھارت دہشت گردوں کو فنڈز فراہم کرتا ہے، فتنہ الہندوستان نے خضدار میں دہشت گردی کا اعتراف کیا، گرفتار دہشت گردوں نے بھارتی پشت پناہی کا اعتراف کیا، کلبھوشن یادیو نے اعترافی بیان میں حقائق بیان کیے، 2009 اور 2016 میں بھارتی دہشت گردی کے ثبوت پیش کیے۔

پریس کانفرنس کے دوران بلوچستان میں شہید بچوں کی تصاویر اور لواحقین کی ویڈیوز بھی دکھائی گئیں

لیفٹیننٹ جنرل احمد شریف چوہدری نے بتایا کہ 22 ستمبر 2024 میں 7 غریب مزدوروں کو شہید کیا گیا، 10 اکتوبر 2024 کو 21 مزدروں کو شہید کیا گیا، 13 نومبر 2024 میں زیارت میں 3 مسافروں کو شہید کیا گیا جبکہ 14 فروری کو ہرنائی میں 10 مزدروں کو شہید کیا گیا، 6 اور 7 مئی کو 40 افراد کو شہید کیا گیا، 21 مئی کو خضدار میں 6 بچوں کو شہید کیا گیا، 51 زخمی اسپتال میں زیرعلاج ہیں۔

انہوں نے کہا کہ فتنہ الہندوستان نے کیچ میں 2 درزیوں کو قتل کرایا، فتنہ الہندوستان نے جعفر ایکسپریس پر حملہ کیا، یہ درندے ہندوستان کے پیسے پر بربریت کر رہے ہیں، بلوچ بھی پوچھتے ہیں، دہشت گردی کا بلوچستان سے کیا تعلق ہے، دہشت گردی کا اسلام سے کیا تعلق ہے؟ یہ درندے ہندوستان کے پیسے پر بربریت کررہے ہیں، فتنہ الہندوستان کا بلوچستان سے کوئی تعلق نہیں۔

ڈی جی آئی ایس پی آر نے پریس کانفرنس میں بھارتی میجرسندیپ کی آڈیو سنائی

ڈی جی آئی ایس پی آر کا مزید کہنا تھا کہ 25 اپریل کو جہلم سے دہشت گرد گرفتار ہوا، دہشت گرد نے لاہور سے بلوچستان تک دہشت گردی کا اعتراف کیا، فتنہ الہندوستان جدید اسلحہ استعمال کرتے ہیں، جدید اور مہنگا اسلحہ انہیں کون خرید کردیتا ہے؟

ترجمان پاک فوج نے بتایا کہ 6 اکتوبر کو کراچی میں چینی باشندوں پر حملہ ہوا، چینی باشندوں پر حملے میں بھی بھارت ملوث ہے، بھارتی میڈیا حملے سے متعلق پہلے سے آگاہ تھا، جعفر ایکسپریس پر حملہ ہوا تو بھارتی میڈیا نے جشن منایا، بھارتی میڈیا پر بیٹھ کر پاکستان کے خلاف پروپیگنڈا کیا جاتا ہے، بھارتی میڈیا ہندوستانی حکومت کے کنٹرول میں ہے۔

”پاکستان کا میڈیا بھارتی میڈیا سے زیادہ آزاد ہے“

ڈی جی آئی ایس پی آر نے بتایا کہ بھارت کی جانب سے بارڈر کراس کرنے پر71 دہشت گردوں کو جہنم واصل کیا، بھارتی میڈیا پر بیٹھ کر پاکستان کے خلاف پروپیگنڈا کیا جاتا ہے، بھارت میڈیا پر پاک فوج کے افسران، جوانوں کے سروں کی قیمت لگائی جاتی ہے، بی ایل اے کے دہشتگرد بھارتی چینلز پر پاکستان کے خلاف ہرزہ سرائی کرتے ہیں، سب نے دیکھ لیا پاکستان کا میڈیا بھارتی میڈیا سے زیادہ آزاد ہے، بھارتی میڈیا ہندوستانی حکومت کے کنٹرول میں ہے۔

لیفٹیننٹ جنرل احمد شریف چوہدری نے مزید بتایا کہ اسلم اچھو بھارت میں اسپتال میں زیرعلاج ہے، ڈاکٹر اللہ نذر بھی بھارت میں موجود ہے، زخمی دہشت گردوں کا علاج بھارت میں ہوتا ہے، بھارت انسانی حقوق کی کھلی خلاف ورزی کررہا ہے، رسول اللہ ﷺ نے فرمایا تھا کہ خوارج مسلمانوں کو قتل کریں گے۔

ڈی جی آئی ایس پی آر نے کہا کہ روزانہ 150 سے زائد انٹیلی جنس بیسڈ آپریشن ہو رہے ہیں، رواں سال ملک بھر میں 747 دہشت گرد ہلاک کئے، 203 ہلاک دہشت گردوں کا تعلق فتنہ الہندوستان سے ہے۔ 2024 میں ایک ہزار سے زائد دہشت گرد مارے گئے، بھارت کے علاوہ دنیا میں کونسا ملک دہشت گردی پر جشن مناتا ہے۔ بھارتی پراکسیز پیسے کیلئے بچوں کو قتل کر رہی ہیں۔

”ماہ رنگ بلوچستان دہشت گردوں کی پراکسی ہیں“

ترجمان پاک فوج نے کہا کہ دہشت گردوں کا انسانیت سے کوئی تعلق نہیں، ماہ رنگ بلوچستان کا چہرہ دنیا کے سامنے آچکا ہے، ماہ رنگ بلوچستان دہشت گردوں کی پراکسی ہیں، ماہ رنگ بلوچ نے جعفرایکسپریس کے دہشت گردوں کی لاشیں مانگیں، دہشت گردوں کی لاشیں بی وائی سی کو کیوں دیں، دہشت گردوں کی لاشیں ان کے ورثا کو دی گئیں، دہشت گردی کے پیچھے کوئی نظریہ نہیں، صرف بھارت ہے۔

”بلوچی ہمارے بھائی اور دل کا ٹکڑا ہیں“

ڈی جی آئی ایس پی آر نے کہا کہ بلوچی ہمارے بھائی اور دل کا ٹکڑا ہیں، کراچی میں کوئٹہ سے زیادہ بلوچ رہتے ہیں، یہ بلوچستان کو پاکستان سے جدا نہیں کر سکتے، فتنہ الہندوستان بلوچستان کی ترقی کے خلاف ہیں، رستہ دشوار اورطویل ہو سکتاہے، فتح حق کی ہوتی ہے۔

لیفٹیننٹ جنرل احمد شریف چوہدری نے کہا کہ بھارت نے دوبارہ شوق پورا کرنا ہے تو آزمالے، ہم تیار ہیں، بھارت پاکستان کا کچھ نہیں بگاڑ سکتا، مسئلہ کشمیر کے حل تک پاکستان اور بھارت میں امن نہیں ہوسکتا، مسئلہ کشمیر میں پاکستان اور بھارت کے ساتھ چین بھی فریق ہے، بھارت پاکستان کے خلاف دہشت گردی کو بطورہتھیار استعمال کر رہا ہے، 24 کروڑ افراد کا پانی بند کرنے کی بات کوئی پاگل ہی کر سکتا ہے۔

پاکستان نے سفارتی محاذ پر سرگرمیاں تیز کر دیں۔ وزیراعظم شہباز شریف آئندہ ہفتے مختلف ممالک کا اہم سفارتی دورہ کریں گے۔ وزیراعظم کے ان دوروں کے شیڈول اور تاریخوں کو حتمی شکل دے دی گئی ہے۔

وزیراعظم شہبازشریف اتوار سے چارملکی دورہ کریں گے، دفتر خارجہ نے 25 تا 30 مئی کے دورے کا اعلامیہ جاری کردیا۔

وزیراعطم ترکیہ، ایران، آذربائیجان اور تاجکستان کی قیادت سے بھارت سے جنگ کے دوران پاکستان کی حمایت پردلی اظہار تشکر کریں گے اورعلاقائی و بین الاقوامی امور پر جامع بات چیت کریں گے۔

وزیراعظم 29 تا 30 مئی کو دوشنبہ تاجکستان میں بین الاقوامی کانفرنس برائے گلیشیئرز میں بھی شرکت کریں گے۔

پاکستان نے مودی کے بے بنیاد، اشتعال انگیز اور غیر ذمہ دارانہ الزامات کو سختی سے مسترد کردیا

وزیراعظم اپنے ان دوروں کے دوران بھارتی جارحیت، جھوٹے الزامات اور حالیہ علاقائی صورتحال پر بھی دوست ممالک کو اعتماد میں لیں گے۔ ذرائع کے مطابق دورے کے دوران وزیراعظم شہباز شریف بھارت کا اصل چہرہ دنیا کے سامنے بے نقاب کریں گے۔

وزیراعظم کے ان مجوزہ دوروں کو خطے میں بدلتے حالات کے تناظر میں نہایت اہم قرار دیا جا رہا ہے، جو نہ صرف سفارتی سطح پر پاکستان کے تعلقات کو وسعت دیں گے بلکہ اقتصادی اور سلامتی کے معاملات پر بھی اہم پیشرفت کا ذریعہ بن سکتے ہیں۔

وفاقی وزیر اطلاعات عطا تارڑ نے خضدار میں دہشتگردی کے المناک واقعے میں شہید ہونے والے بچوں کے ورثا سے ملاقات کی اور ان کے ساتھ اظہارِ تعزیت کیا۔

عطا تارڑ نے شہدا کے لواحقین کے بلند حوصلے اور جذبے کو سراہتے ہوئے کہا کہ بزدل دشمن کے حملے میں بھی شہدا کے اہل خانہ نے جس صبر و استقامت کا مظاہرہ کیا ہے وہ قابلِ تحسین ہے۔

انہوں نے کہا کہ جب تک شہدا کے ورثا میں ایسا جذبہ زندہ ہے، ملک کا کوئی کچھ نہیں بگاڑ سکتا۔ ان کا کہنا تھا کہ وزیراعظم پہلے ہی واضح کر چکے ہیں کہ دہشتگردوں کو ہرگز نہیں چھوڑا جائے گا اور انہیں منطقی انجام تک پہنچا کر دم لیں گے۔

وزیر اطلاعات نے حکومت کے اس عزم کا اعادہ کیا کہ دہشتگردی کے خلاف جنگ پوری قوت سے جاری رہے گی اور معصوم جانوں کے خون کا ہر قیمت پر حساب لیا جائے گا۔

پاکستان کے بچوں نے بھی دہشت گردی کے خلاف جنگ میں قربانیاں دیں، عطا تارڑ

وزیر اطلاعات عطا تارڑ نے کہا ہے کہ وزیراعظم اور فیلڈ مارشل کا پختہ عزم ہے کہ فتنہ ہندوستان کو جڑ سے ختم کریں گے، دہشت گردوں اور ان کے سہولت کاروں کو نہیں چھوڑا جائے گا، 10 مئی کو بھارتی حملے کے دن ہی بلوچستان میں 30 مقامات پر حملے روابط ظاہر کرتے ہیں، ہم واحد قوم ہیں جس کے بچوں نے بھی قربانیاں دی ہیں جس نے بچوں پرہاتھ ڈالا، انہیں نہیں چھوڑیں گے۔

آج نیوز سے خصوصی گفتگو کرتے ہوئے وفاقی وزیر اطلاعات عطا تارڑ نے کہا کہ پاکستان دنیا کی واحد قوم ہے جس کے بچوں نے بھی دہشت گردی کے خلاف جنگ میں قربانیاں دیں اور ان معصوم جانوں کی قربانی کو تاریخ میں سنہری حروف سے لکھا جائے گا۔

عطا تارڑ نے کہا کہ 10 تاریخ کو بھارت نے دوبارہ حملے کیے اور اسی روز بلوچستان میں 30 مختلف مقامات پر حملے کیے گئے، جو ایک منظم اور مربوط کارروائی کا حصہ تھے۔ ان کے مطابق اسکول جاتے ہوئے بچوں کی بس پر حملہ ذہنی پستی اور دشمن کی بزدلی کی عکاسی کرتا ہے۔

وفاقی وزیر نے شہید ہونے والے بچوں کے اہل خانہ کے حوصلے کو سلام پیش کرتے ہوئے کہا کہ ایسے سانحات کے باوجود قوم کے حوصلے پست نہیں ہوئے۔ ’چاہے اے پی ایس کا واقعہ ہو، بھارتی جارحیت ہو یا بلوچستان میں حالیہ حملے، ہماری قوم نے ہر محاذ پر قربانیاں دیں۔‘

عطا تارڑ نے بھارتی میڈیا پر بھی تنقید کی اور کہا کہ وہاں فتنہ ہندوستان کے عناصر کے انٹرویوز دکھائے جا رہے ہیں، جو دراصل دہشتگردوں کی پشت پناہی کا ثبوت ہے۔ انہوں نے خبردار کیا کہ ’یہ واضح پیغام ہے کہ انہوں نے بچوں پر ہاتھ ڈالا ہے ہم انہیں نہیں چھوڑیں گے۔‘

انہوں نے مزید کہا کہ وزیراعظم اور فیلڈ مارشل دونوں کا پختہ عزم ہے کہ ’فتنہ ہندوستان‘ کو جڑ سے اکھاڑ پھینکا جائے گا۔ عطا تارڑ کے مطابق خضدار دھماکے کا حملہ آور موٹرسائیکل پر سوار تھا اور اس حملے کی مکمل تحقیقات جاری ہیں۔

وفاقی وزیر اطلاعات نے اس عزم کا اعادہ کیا کہ دہشتگردوں اور ان کے سہولت کاروں کو کسی صورت بخشا نہیں جائے گا۔

ترجمان پاک فوج لیفٹیننٹ جنرل احمد شریف چوہدری نے کہا ہے کہ دنیا جانتی ہے کہ بھارت خطے میں سب سے بڑا دہشت گردی کا سرپرست ہے، 6 اور 7 مئی کی شب کی فضائی جنگ پوری دنیا نے دیکھی، پاک فضائیہ کی پیشہ ورانہ مہارت اور تکنیکی برتری رہی، یہ دہائیوں تک فضائی جنگی کالجوں اور فوجی اداروں میں پڑھائی جائے گی، پاکستان نے اپنی افواج کی مکمل طاقت ابھی تک استعمال ہی نہیں کی۔

ڈی جی آئی ایس پی آر لیفٹیننٹ جنرل احمد شریف چوہدری نے الجزیرہ ٹی وی کو انٹرویو دیتے ہوئے کہا کہ ہم ہمیشہ کہتے ہیں یہ جنگ ہماری ہے مگر فتح اللہ تعالیٰ کی ہے، پاکستان کی گلیوں اور شہروں میں جائیں تو عوام کے چہروں پر جواب موجود ہے، خوشی اور جشن جو وہ منا رہے ہیں کیونکہ یہ صرف عسکری میدان کی بات نہیں، نہ ہی فضائی یا زمینی لڑائی کی، معرکہ حق ایک سچائی کی جنگ ہے، پاکستان نے جھوٹ، فریب، جبر اور بھارتی جارحیت کا پردہ چاک کیا۔

ترجمان پاک فوج نے کہا کہ پہلگام واقعے کے بعد بھارت ایک من گھڑت کہانی لے کر آیا، پاکستان نے صرف ایک بات کہی، اگر کسی شہری یا ریاست سے تعلق کا ثبوت ہے تو سامنے لائیں، ثبوت بھی بین الاقوامی برادری یا کسی تیسرے قابلِ اعتماد فریق کے سامنے تاکہ شفاف تحقیقات ہو سکیں، بھارت کے پاس کوئی جواب نہیں تھا اور نہ آج تک ہے۔

لیفٹیننٹ جنرل احمد شریف چوہدری نے کہا کہ 6 اور7 تاریخ کو جو انہوں نے کیا، اس پر بھی ان کے پاس اخلاقی جواز نہیں، ہم شفاف رہے، سچ بولا اور جھوٹ نہیں بولا، باتوں کو توڑا مروڑا نہیں، دنیا نے دیکھا بھارت کا میڈیا اور ریاست خود معلومات کی جنگ میں جھوٹ بول رہے تھے۔

بھارت نے سندھ طاس معاہدے کی خلاف ورزی کی تو آزاد کشمیر کے 6 دریا پاکستان کے ہوں گے، ترجمان پاک فوج

ڈی جی آئی ایس پی آر کا مزید کہنا تھا کہ بھارت کے پاس بہت ترقی یافتہ تھیٹر اور فلم انڈسٹری ہے، اسی لیے وہ نت نئے بیانیے گھڑتے رہتے ہیں، کل ہی میں سنا کہ بھارت کہہ رہا تھا پاکستان نے گولڈن ٹیمپل پر حملہ کیا، اس سے بڑا جھوٹ کوئی نہیں ہو سکتا، ہم سکھوں کے مقدس مقامات ننکانہ صاحب اور پنجہ صاحب سمیت مذہبی مقامات کی حفاظت کرتے ہیں، کرتار پور صاحب کا احترام کرتے ہیں، ہم اپنے سکھ بھائیوں سے محبت کرتے ہیں۔

انہوں نے کہا کہ ہمارے پنجاب میں مشترکہ ثقافت، زبان اور قربت ہے، پاکستان کے مسلمانوں اور سکھوں کے درمیان گہرے تعلقات ہیں، ہم گولڈن ٹیمپل جیسے مقدس مقام پر کیوں حملہ کریں گے؟ یہ ہمارے کلچر، اقدار اور مذہب کے خلاف ہے۔

ترجمان پاک فوج نے کہا کہ وہ اپنے اعلیٰ افسران اور جرنیلوں کو میڈیا پر جھوٹ بولنے کے لیے لاتے ہیں، آپ بھارتیوں کی باتوں پر کیسے یقین کریں؟ انہیں پہلے خود اپنا اعتبار بحال کرنا ہوگا، اعتبار سچ بولنے سے آتا ہے، اعتبار ہزاروں ویب سائٹس بند کرنے اور میڈیا پر پابندی لگانے سے نہیں آتا، حکومت پر تنقید کرنے والوں کو جیل میں ڈالنے سے نہیں آتا، کیا پاکستان نے اس تنازع میں کسی صحافی کو جیل میں ڈالا؟ بالکل بھی نہیں۔

لیفٹیننٹ جنرل احمد شریف چوہدری نے کہا کہ ہمیں اپنی فضائیہ اور پائلٹس پر فخر ہے، اس فوجی تنازع میں آپ نے تینوں افواج کی ہم آہنگی دیکھی، صرف آرمی، ایئرفورس، اور نیوی کے درمیان نہیں بلکہ سیاسی قیادت اور عوام کے ساتھ بھی ایک مضبوط آہنگی دیکھنے کو ملی، یہ آہنی دیوار’’بنیان المرصوص‘’ بھارتی جارحیت کے خلاف متحدہ مزاحمت تھی۔

ڈی جی آئی ایس پی آر کا مزید کہنا تھا کہ پاکستان ایئرفورس ہمارا فخرہے، 6 اور 7 تاریخ کی شب کی فضائی جنگ پوری دنیا نے دیکھی، یہ دہائیوں تک فضائی جنگی کالجوں اور فوجی اداروں میں پڑھائی جائے گی، ہم اپنے پائلٹس کی پیشہ ورانہ مہارت کوسلام پیش کرتے ہیں، جے ایف-17 تھنڈر، جے-10 سی، فتح-1 اور فتح-2 میزائل یہ سب پاکستان کی تکنیکی ترقی کی مثالیں ہیں۔

بھارت، امریکہ اور اسرائیل نہیں اور پاکستان، افغانستان اور فلسطین نہیں، ڈی جی آئی ایس پی آر

انہوں نے کہا کہ اپنی روایتی افواج کی مکمل طاقت ابھی تک استعمال ہی نہیں کی، اس کا بڑا حصہ بلوچستان اور خیبرپختونخوا میں بھارت کی حمایت یافتہ دہشت گردی کے خلاف مصروف ہے، دنیا جانتی ہے کہ بھارت اس خطے میں سب سے بڑا دہشت گردی کا سرپرست ہے، ہم نے ان آپریشنز سے ایک بھی فوجی نہیں ہٹایا، ہم نے اپنی تمام ٹیکنالوجی بھی ظاہر نہیں کی۔

معرکہ حق آپریشن بنیان مرصوص میں کانگرس رہنما نے بھارت کی عبرتناک شکست تسلیم کرلی، بھارت کی ذلت آمیز شکست پر کانگرس ایم ایل اے وجے واڈیٹیوار نے مودی اور بھارتی فوج پر تابڑ توڑ حملے کردیے۔

معرکہ حق بُنیان مرصوص میں بھارت کی تاریخی شکست پر کانگریس رہنما نے عبرتناک انجام کا اعتراف کرتے ہوئے مودی سرکار کی پالیسیوں کا بھانڈا پھوڑ دیا۔

پاک فوج کے آپریشن بُنیان مرصوص میں بھارتی افواج کی تاریخی شکست کے بعد وہاں کی سیاست میں بھی بھونچال آ چکا ہے جبکہ بھارت کی ذلت آمیز شکست پر کانگریس ایم ایل اے وجے واڈیٹیوار نے مودی اور بھارتی فوج پر تابڑ توڑ حملے کیے ہیں۔

کانگریس کے ایم ایل اے وجے واڈیٹیوار نے مہنگی دفاعی خریداری اور بوسیدہ حکمت عملی کو آڑے ہاتھوں لیتے ہوئے مودی سرکار پر زوردار وار کیا ہے اور انہوں نے مودی کی جنگی سوچ کو ناکام قرار دے دیا۔

کانگریس ایم ایل اے کا کہنا تھا کہ پاکستان نے سستے ڈرونز بھارت بھیجے، بھارت نے اربوں جھونک دیے، چین نے پاکستان کو 5 ہزار ڈرونز دے کر بھارت کی کمزوری بے نقاب کر دی جبکہ مودی سرکار اربوں جھونکتی رہی۔

انہوں نے مزید کہا کہ مودی سرکار نے 15 ہزار کے ڈرون گرانے کے لیے 15 لاکھ کا میزائل فائر کیا، مودی سرکار کی جنگی حکمت عملی مکمل طور پر ناکام اور 5 ہزار سستے پاکستانی ڈرونز کے سامنے بھارتی دفاع بے بس ثابت ہوگیا۔

کانگریس رہنما نے بھارت کی پاکستان کے ہاتھوں بدترین شکست کو مودی سرکار کی ناکامی قرار دیتے ہوئے کہا کہ پاکستان نے کم لاگت میں حملہ کیا جبکہ بھارت نے عوام کے ٹیکس کا پیسہ بے دریغ ضائع کیا۔

کاگنریس ایم ایل اے نے کہا کہ پاکستان نے بھارت کے 3 سے 4 رافیل طیارے تباہ کر دیے، مگر مودی سرکار کی مجرمانہ خاموشی بدستور برقرار ہے۔

انہوں نے مودی پر کڑی تنقید کرتے ہوئے سوال اٹھایا کہ رافیل سودے پر نعرے تھے، اب نقصان چھپایا کیوں جا رہا ہے؟۔

دوسری جانب دفاعی ماہرین کا کہنا ہے کہ مودی کی خود پسندی نے قومی سلامتی داؤ پر لگا دی ہے۔ صرف مہنگے ہتھیار کافی نہیں، بھارتی حکمت عملی مکمل طور پر ناکام ہو چکی ہے۔

امریکی وزارت خارجہ کی ترجمان ٹیمی بروس کا کہنا ہے کہ پاکستان، بھارت میں دیرینہ مسائل کی وجہ سے خطے میں دہشت گردی ہورہی ہے، اس وقت پاکستان اور بھارت میں سیز فائر ہے، جنگ رکوانے میں امریکا نے مدد کی، اسرائیل اپنے دفاع کی جنگ لڑ رہا ہے، واشنگٹن میں اسرائیلی سفارتی عملے پر حملے کی تحقیقات جاری ہیں۔

ترجمان امریکی محکمہ خارجہ ٹیمی بروس نے میڈیا بریفنگ دیتے ہوئے کہا کہ جنوبی ایشیا میں دہشت گردی اور تشدد کے واقعات پرعمومی تشویش پائی جاتی ہے، اس وقت پاکستان اور بھارت میں سیز فائر ہے، امریکا نے پاک بھارت جنگ رکوانے میں مدد کی، جانتے ہیں پاکستان اور بھارت مکمل جنگ شروع کرنے کے بہت قریب تھے، امریکا کی مدد نے پاک بھارت جنگ کو روکنے میں کردار ادا کیا جو خوش آئند ہے۔

ٹیمی بروس نے کہا کہ جنگ بندی سے طویل مدتی مسائل کے حل ہونے کی صلاحیت واپس آگئی، اچھی خبر یہ ہے دوسرے خطوں کے برعکس جنگ بندی کاعہد کیا گیا ہے۔

ترجمان امریکی محکمہ خارجہ کا مزید کہنا تھا کہ اسرائیل اپنے دفاع کی جنگ لڑ رہا ہے، غزہ میں امداد جا رہی ہے، واشنگٹن میں اسرائیلی سفارتی عملے پر حملے کی تحقیقات جاری ہے، یہودیوں کو صدیوں سے مظالم کا سامنا ہے، اس طرح کی کارروائیوں کو اب ختم ہونا چاہیئے۔

انہوں نے یہ بھی کہا کہ ایران کے ساتھ مذاکرات کا پانچواں دور ہو رہا ہے، ہم سمجھتے ہیں ایران کے ساتھ مذاکرات میں پیش رفت ہو رہی ہے۔

معروف بھارتی صحافی پراوین سواہنی نے اعتراف کیا کہ پاک فضائیہ کے ائر وائس مارشل اورنگزیب احمد نے میڈیا وار میں بھی بھارت کو پچھاڑ دیا، بھارتی ائرمارشل اے کے بھارتی اچھی کارکردگی کا مظاہرہ نہ کر سکے، اگر 6 ماہ یا ایک سال کے اندر جنگ ہوئی تو پاکستان کو بھارت پر اَپرہینڈ حاصل ہوگا۔

بھارتی صحافی کرن تھاپر کو انٹرویو میں پراوین سواہنی نے پاک بھارت افواج کا تقابلی جائزہ پیش کیا۔

انھوں نے کہا کہ پاکستان ایک سال میں ایسا نظام بنا لے گا جو آہنی دیوار کی طرح کام کرے گا، اور بھارتی میزائلوں، طیاروں یا ڈرونز کے لیے پاکستانی حدود میں گھسنا ناممکن ہوجائے گا۔

معروف بھارتی صحافی پراوین سواہنی کا کہنا ہے کہ پاک فضائیہ کے ائر وائس مارشل اورنگزیب نے میڈیا وار میں بھی بھارت کو پچھاڑ دیا ہے، انڈین فضائیہ کے سربراہ ائر مارشل اے کے بھارتی اچھی کارکردگی کا مظاہرہ نہ کرسکے۔

بھارتی صحافی نے کہا کہ اگر 6 ماہ یا ایک سال میں جنگ ہوئی تو پاکستان کو بھارت پر اَپر ہینڈ حاصل ہوگا۔

معروف بھارتی صحافی پراوین سواہنی نے مزید کہا کہ پاکستان ائر فورس نے انیس سو پچھتر میں بہترین ائر ڈیفنس کمانڈ بنالی تھی جو بھارت آج تک نہیں بنا سکا ہے۔

ایوانِ صدر میں پاکستان ملٹری کی قیادت کے ذمہ دار ذرائع نے غیر رسمی گفتگو کرتے ہوئے کہا کہ آپریشن بنیان مرصوص میں پاکستان کو اللہ کی مدد حاصل رہی، سیز فائر کی درخواست تیسرے فریق نے کی، انشااللہ بھارت اب کسی ردعمل کی جرات نہیں کرسکتا۔

ایوانِ صدر میں سینیئر عسکری ذرائع نےغیر رسمی گفتگو کرتے ہوئے کہا کہ ہمیں ذہین میں رکھنا چاہیے کے غزوہ بدر میں مسلمانوں کی تعداد 313 تھی، غزوہ بدر میں کمان نبی پاکﷺ کے پاس تھی، اللہ تعالی کی طرف سے ہدایات تھی۔ تعداد کم بھی ہے تو کوئی مسئلہ نہیں۔

انھوں نے کہا کہ حضور پاکﷺ کو اللہ کا حکم ہوا ریت کی مٹھی بھر کر دشمنوں کی طرف پھینکو، یہ ریت پھر میزائلوں کی طرح دشمنوں کو لگی، ہر طرح کی فتح اللہ تعالی دینے والا ہے۔

صدر مملکت اور وزیراعظم نے عاصم منیر کو ”بیٹن آف فیلڈ مارشل“ کے اعزاز سے نواز دیا

غیر رسمی گفتگو کے دوران سینیئرعسکری ذرائع کا کہنا تھا معرکہ حق میں پاکستان کو اللہ کی مدد حاصل رہی، پاکستان نے ایسا کام کیا کہ بھارت کے پاس کوئی جواب نہیں تھا، ہماری سول قیادت اور مسلح افواج کے درمیان مکمل ہم آہنگی پائی جاتی ہے۔

سینیئر عسکری ذرائع سے جب پوچھا گیا کہ کیا یہ سیز فائر حتمی ہے؟ جواب میں ان کا کہنا تھا الحمداللہ! بھارت اب کسی بھی ردعمل کی جرات نہیں کر سکتا، ان کا کہنا تھا کہ جنگ بندی پر بھارت نے ہم سے کوئی براہِ راست بات نہیں کی، ہمیں تیسرے فریق کے ذریعے جنگ بندی کی کال آئی تھی۔

انھوں نے غیر رسمی گفتگو کرتے ہوئے مزید کہا کہ ہم نے سچے انداز میں اپنی جنگ لڑی اور دشمن کیلئے کوئی راستہ نہیں چھوڑا۔

سینیٹر انوارالحق کاکڑ نے آج نیوز کے پروگرام نیوز انسائیٹ وِد عامر ضیا میں گفتگو کرتے ہوئے کہا کہ مغرب جان چکا جس گھوڑے پر پیسا لگایا وہ پاکستان سے ہار گیا، خیال تھا کہ پاکستان جواب نہیں دے گا لیکن امیج بدل گیا۔ پاکستان کو علاقائی اتحاد کی ضرورت ہے۔ انھوں نے یہ بھی کہا کہ گورننس مسئلہ ہے تو دیگر بلوچ دہشت گرد کیوں نہیں ہیں؟

آج نیوز کے پروگرام ”نیوز انسائیٹ وِد عامر ضیا“ میں سابق نگراں وزیراعظم، سینیٹر انوار الحق کاکڑ نے گفتگو کرتے ہوئے کہا کہ آج کا سومنات آر ایس ایس کا ہیڈ کوارٹر ہے، پاکستان نے محمود غزنوی جیسے حملے کیے، چین، بنگلہ دیش ہی نہیں پورے جنوبی ایشیا کو خطرہ ہے۔ پاکستان نے مودی کی بدمعاشی کو روک کرجرات کا کام کیا۔

انوار الحق کاکڑ نے اپنی گفتگو میں کہا کہ مغرب جان چکا جس گھوڑے پر پیسا لگایا وہ پاکستان سے ہار گیا، خیال تھا کہ پاکستان جواب نہیں دے گا، امیج بدل گیا۔ پانچ دہائیوں سے انڈیا تکبر کا دیوتا بنا ہوا تھا۔ انڈیا اب مایوسی اور تباہی کے موڈ میں ہے۔

سابق نگراں وزیراعظم نے کہا کہ فیلڈ مارشل سے بڑا عہدہ ہوتا تو سپہ سالار کے لیے تجویز کرتا۔ وزیراعظم کو پبلک ڈومین میں بات کرتے ہوئے احتیاط کرنا چاہئے۔ پاکستان کو علاقائی اتحاد کی ضرورت ہے، امریکا اور چین کا کوئی ہاٹ پرسوٹ نہیں ہو رہا۔ بھارت چین تو کیا پاکستان کو ہینڈل نہیں کرسکتا۔

سینیٹر انوارالحق کاکڑ نے کہا کہ معاشرے میں بلوچ دہشت گردوں پر کنفیوژن ختم ہو گئی ، بھارت بی ایل اے اور ٹی ٹی پی میں مزید سرمایہ لگائے گا، ہماری فوج بہت جلد اندرونی جارحیت پر قابو پا لے گی۔

انھوں نے اپنی گفتگو میں مزید کہا کہ سول سوسائٹی دہشت گردوں کے عشق میں مبتلا ہے تو ہو، ریاستی استحقاق ہے دہشت گردوں کے حقوق کو ترجیح دیں یا شہریوں کے۔ گورننس، مسائل اور کرپشن کو دہشت گردی سے نہ جوڑیں۔ گورننس مسئلہ ہے تو دیگر بلوچ کیوں دہشت گرد نہیں؟ جس دن ہم نے چار میزائل داغے تو کون روکے گا؟

سینیٹر انوارالحق کاکڑ کا کہنا تھا کہ سمندر پار پاکستانیوں سے دو قومی نظریے پر گفتگو ہوئی، انڈیا نے یہ گفتگو بنیاد بنا کر جنگ چھیڑنے کی کوشش کی۔ انڈیا نے فالس فلیگ آپریشن کو بنیاد بنا کر ابتدا کی۔ مذہب ہماری شناخت ہے اور اس کے لیے آخری حد تک جائیں گے۔

وزیراعظم شہباز شریف نے آزاد کشمیر میں شہدا کے ورثا سے خطاب میں کہا کہ مودی پاکستان پر دوبارہ حملے کا سو بار سوچے گا، بھارت کو پتا چل گیا پاک افواج دفاع کے لیے ہر وقت تیاررہتی ہیں، مسلح افواج نے معرکہ حق میں بھارت کو چھٹی کا دودھ یاد دلایا ۔ 10 مئی کو بھرپور جواب دینے کا فیصلہ کیا۔ سپہ سالار کی آواز میں بلا کا اعتماد، جوش اور ولولہ تھا۔ ان چار دنوں میں بھارت کو جو سبق سکھایا گیا میری نظر میں 1971 کی شکست کا بدلہ لے لیا گیا ہے۔

معرکہ حق میں آزاد کشمیر کے شہدا کے ورثا میں امدادی رقوم کی تقسیم کی تقریب سے خطاب کرتے ہوئے وزیراعظم شہباز شریف نے کہا کہ چند روز قبل پاکستان اور بھارت کے درمیان جنگ چھڑی، یہ جنگ خطرناک رخ اختیار کرسکتی تھی، جنگ کے نتائج بہت بھیانک ہوسکتے تھے، پہلگام واقعہ افسوسناک تھا۔

وزیراعظم نے کہا کہ بھارت نے پاکستان پر بے بنیاد الزامات لگائے، پاکستان نے دنیا کو بتایا کہ بھارت کے الزام جھوٹ پر مبنی تھے، پاکستان نے واضح کیا پہلگام واقعہ بھارت کی سازش کا حصہ ہے، پہلگام واقعے پر غیرجانبدارانہ عالمی تحقیقات کی پیشکش کی، بھارت ہماری پیشکش کو نظر انداز کرتے ہوئے پاکستان پر حملہ آور ہوا۔

شہباز شریف نے مزید کہا کہ بھارتی جارحیت میں آزاد کشمیر اور ملک کے دیگر علاقوں میں 33 افراد شہید ہوئے، افواج پاکستان نے بھارتی جارحیت کا منہ توڑ جواب دیا، مسلح افواج نے شہری آبادی کو نشانہ بنانے کی بجائے بھارتی جہاز گرائے، مسلح افواج نے معرکہ حق میں بھارت کو چھٹی کا دودھ یاد دلایا۔

ان کا کہنا تھا کہ دفاع کا حق استعمال کرتے ہوئے بھارت کے خلاف نپی تلی جوابی کارروائی کی گئی، مسلح افواج نے شہری آبادی کو نشانہ بنانے کی بجائے 6 بھارتی جہازگرائے، فیصلہ کیا کہ 10 مئی کو صبح بھارت کو بھرپور جواب دیا جائے گا، بھارت کے خلاف جوابی کارروائی سے پہلے میری سپہ سالار سے بات ہوئی، سپہ سالار کی آواز میں بلا کا اعتماد، جوش اور ولولہ تھا، فیصلہ کیا کہ بھارت کو ایسا تھپڑ رسید کیا جائے جو قیامت تک نہ بھولے، اس کے نتیجے میں پھر آپ نے دیکھا کہ پٹھان کوٹ سے لے کر بھارت کا کوئی بھی ایئرپورٹ ہمارے شاہینوں اور الفتح میزائلوں کی رینج سے باہر نہیں تھا۔

وزیراعظم نے کہا کہ پھر صبح 9 بجے مجھے سپہ سالار کا فون آیا کہ بھارت جنگ بندی یعنی گھٹنے ٹیکنے کے لیے تیار ہے، یہ ہے وہ تاریخ وہ پاکستان کی افواج نے اپنے خون سے رقم کی ہے، اب مودی سرکار پاکستان پر حملہ آور ہونے سے پہلے سو مرتبہ سوچے گی کیونکہ اسے پتا چل گیا ہے کہ ہماری افواج پوری طرح تیار ہیں، ان چار دنوں میں بھارت کو جو سبق سکھایا گیا میری نظر میں 1971 کی شکست کا بدلہ لے لیا گیا ہے۔

وزیراعظم نے کہا کہ پاکستان نے روایتی جنگ میں بھارت کی برتری کے تاثر کو غلط ثابت کیا، 24 کروڑ عوام کی دعاؤں کی بدولت معرکہ حق میں عظیم فتح نصیب ہوئی، معرکہ حق میں پوری قوم افواج پاکستان کی پشت پر کھڑی رہی، مسلح افواج ملکی خود مختاری اور سالمیت کے تحفظ کے لیے پوری طرح تیار ہیں۔

شہباز شریف کا کہنا تھا کہ اتحاد اور اتفاق سے اب ملکی اقتصادی ترقی کو آگے بڑھانا ہے، پاکستان کو معاشی طور پر مستحکم بنارہے ہیں، قوم متحد رہے تو دشمن میلی آنکھ سے دیکھنے کی جرات نہیں کرسکتا، مسلح افواج نے معرکہ حق میں پاکستان کا سر فخر سے بلند کردیا۔

انہوں نے کہا کہ مظفرآباد آمد کا مقصد شہدا کے ورثا سے اظہار یکجہتی کرنا ہے، شہدا کی قربانیوں کا کوئی نعم البدل نہیں، شہدا کے لواحقین کے معاشی مسائل کا حل ضروری ہے، شہدا کے ورثا کو فی کس ایک کروڑ روپے دیے جائیں گے، زخمیوں کو 10 سے 20 لاکھ روپے دیے جائیں گے، شہدا کے ورثا کو رینک کے حساب سے ایک کروڑ سے ایک کروڑ 80 لاکھ روپے دیے جائیں گے، شہدا کی ریٹائرمنٹ کی تاریخ تک ورثا کے لیے تنخواہ اور الاؤنسز جاری رہیں گے۔

وزیراعظم شہباز شریف نے مزید کہا کہ افواج پاکستان کے زخمیوں کو 20 سے 50 لاکھ روپے فی کس دیے جائیں گے، شہدا اور زخمیوں کے لیے امدادی پیکج حکومت کی ذمہ داری ہے، 24 کروڑ عوام کی دعائیں مقبوضہ کشمیر کے مظلوموں کے ساتھ ہیں، حق خودارادیت کے حصول تک پاکستان کشمیریوں کا ساتھ دیتا رہے گا۔

پوری قوم نے متحد ہوکر مکار دشمن کا بھرپور مقابلہ کیا، امیر مقام

وفاقی وزیر امور کشمیر انجینئر امیر مقام نے تقریب سے خطاب کرتے ہوئے کہا کہ آزاد کشمیر کے لوگ سیسہ پلائی دیوار کی طرح مسلح افواج کے ساتھ کھڑے رہے، آزاد کشمیر میں بھارتی جارحیت سے لوگوں کے گھروں کو نقصان پہنچا، بھارتی جارحیت سے گھروں کو پہنچنے والے نقصان کا ازالہ کیا جائے گا۔

امیر مقام نے کہا کہ پوری قوم نے متحد ہوکر مکار دشمن کا بھرپور مقابلہ کیا، افواج پاکستان نے بھارتی جارحیت کا منہ توڑ جواب دیا، پاک فضائیہ نے بھارتی طیارے گرا کر دشمن کا غرور خاک میں ملادیا، بھارتی جارحیت کے خلاف عوام کا جذبہ بے مثال تھا۔

ان کا مزید کہنا تھا کہ ہمارے آباؤ اجداد نے تحریک پاکستان میں قربانیاں دیں، شہدا کے لواحقین کو خراج تحسین پیش کرتے ہیں، بھارت کشمیریوں کے جذبے کو کبھی شکست نہیں دے سکتا، کنٹرول لائن پر بسنے والے افراد کا جذبہ قابل تحسین ہے۔

خضدار واقعے کے پیچھے بزدل دشمن بھارت کا ہاتھ ہے، وزیراعظم آزاد کشمیر

وزیراعظم آزاد کشمیر چوہدری انوارالحق نے تقریب سے خطاب کرتے ہوئے کہا کہ بھارت مکار دشمن ہے، بھارت دوبارہ جارحیت کی جرات نہیں کرے گا، پہلگام واقعے کے بعد 3 ہزار سے زیادہ کشمیریوں کو لاپتہ کردیا گیا، مقبوضہ وادی میں انسانی حقوق کی شدید خلاف ورزیاں جاری ہیں۔

چوہدری انوارالحق نے کہا کہ پہلگام فالس فلیگ کی آڑ میں مقبوضہ کشمیر میں مسلمانوں پر مظالم بڑھا دیے گئے، کشمیریوں کے گھروں کو مسمار کیا جارہا ہے، خضدار واقعے کے پیچھے بزدل دشمن بھارت کا ہاتھ ہے، کنٹرول لائن پر بسنے والے متاثرین کو زیادہ وسائل کی فراہمی کی ضرورت ہے، آزاد کشمیر کے بجٹ کو بڑھایا جائے، تعلیمی اداروں میں این این سی سی کی تربیت دوبارہ شروع کی جائے۔

احمد آباد – بھارت میں سائبر سیکیورٹی کے شعبے کو ہلا کر رکھ دینے والے واقعے میں گجرات کی انسداد دہشت گردی اسکواڈ (ATS) نے 18 سالہ جاسم شاہنواز انصاری کو گرفتار کر لیا ہے، جس پر الزام ہے کہ اس نے 50 سے زائد مرتبہ بھارتی سرکاری ویب سائٹس کو نشانہ بناتے ہوئے سائبر حملے کیے۔

رپورٹس کے مطابق یہ حملے اُس وقت شدت اختیار کر گئے جب بھارت نے مئی 2025 میں ”آپریشن سندور“ کے نام سے ایک فوجی کارروائی کا آغاز کیا، جو پہلگام میں ہونے والے مبینہ دہشت گرد حملے کے جواب میں کی گئی تھی۔

تحقیقات سے پتا چلا ہے کہ جاسم انصاری نے چند دیگر کم عمر نوجوانوں کے ساتھ مل کر ”AnonSec“ نامی ایک ٹیلی گرام گروپ تشکیل دیا، جس کے ذریعے انہوں نے ڈی ڈی او ایس (Distributed Denial of Service) طرز کے حملے منظم کیے۔ ان حملوں کے لیے مفت دستیاب اوپن سورس سافٹ ویئرز اور ٹولز استعمال کیے گئے، جنہیں GitHub اور Termux جیسے پلیٹ فارمز سے حاصل کیا گیا۔ حملوں کا ہدف بھارتی حکومت کے اہم شعبے تھے جن میں دفاع، ہوابازی، مالیات اور شہری ترقی شامل ہیں۔

متعدد متاثرہ ویب سائٹس کو ہیک کر کے ان پر ملک دشمن پیغامات بھی درج کیے گئے۔ ان میں سے ایک میں لکھا گیا، ”بھارت نے یہ جنگ شروع کی ہے، لیکن ہم اسے ختم کریں گے۔“

تحقیقات کے مطابق یہ نوجوان یوٹیوب پر دستیاب ویڈیوز کے ذریعے Python پروگرامنگ سیکھتے اور سائبر حملوں کی تکنیک حاصل کرتے۔ جاسم انصاری مبینہ طور پر PyDroid جیسے سافٹ ویئر کا استعمال کرتے ہوئے بھارتی سرورز پر بھاری ڈیجیٹل ٹریفک ڈال کر انہیں معطل کرنے کی کوشش کرتا تھا۔ یہ نوجوان حملے کی کامیابی چیک کرنے کے لیے ”checkhost.net“ جیسی ویب سائٹس استعمال کرتے اور پھر اپنی کارروائیوں پر فخر کرتے ہوئے آن لائن چیٹ گروپس میں تبصرے کرتے۔

بھارتی حکام کے مطابق حملوں کی نوعیت جتنی تکنیکی تھی، اتنی ہی حیرت انگیز بات ان میں ملوث افراد کی کم عمری ہے۔ جاسم، جو حالیہ دنوں میں بارہویں جماعت کے امتحان میں ناکام ہوا تھا، ایک سائنس کا طالب علم ہے اور مبینہ طور پر ایک ایسے گروہ کا حصہ ہے جس میں کئی کم عمر نوجوان شامل ہیں، جو آن لائن انتہا پسندی اور تخریبی سائبر سرگرمیوں کی طرف راغب ہو چکے ہیں۔ گجرات اے ٹی ایس کے مطابق ایک اور 17 سالہ نوجوان بھی اس کیس میں زیر تفتیش ہے۔

انسداد دہشت گردی اسکواڈ اب اس پہلو کا جائزہ لے رہی ہے کہ آیا یہ نوجوان اپنے طور پر یہ سرگرمیاں انجام دے رہے تھے یا انہیں کسی بیرونی دشمن طاقت کی طرف سے اکسانے یا معاونت فراہم کرنے والے عناصر موجود تھے۔ ایک سینئر اے ٹی ایس اہلکار کے مطابق، ”ہم ڈیجیٹل شواہد کی جانچ کر رہے ہیں تاکہ یہ معلوم ہو سکے کہ کہیں ان کارروائیوں کے پیچھے کسی بیرونی نیٹ ورک کی سرپرستی تو نہیں۔“

جاسم انصاری کے خلاف بھارتی انفارمیشن ٹیکنالوجی ایکٹ کی دفعات 43 اور 66 ایف (سائبر دہشت گردی) کے تحت مقدمہ درج کر لیا گیا ہے۔

فیلڈ مارشل عاصم منیر کی زیر صدارت کورکمانڈر کانفرنس نے پاکستان کی سلامتی ہر صورت یقینی بنانے کے لیے تمام اقدامات کرنے کے عزم کا اعادہ کرتے ہوئے کہا ہے کہ خضدار میں سفاکانہ کارروائی بھارتی پشت پناہی میں پراکسیز نے کی، انتشار اور خوف کی فضا پیدا کرنے کے لیے بیرونی سرپرستی میں کام کرنے والے ملک دشمن عناصر کو قومی عزم اور مکمل استعداد کے ساتھ نیست و نابود کر دیا جائے گا۔

پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل عاصم منیر کی زیر صدارت 270 ویں کور کمانڈرز کانفرنس ہوئی، کانفرنس کا آغاز آپریشن بنیان مرصوص اور بلوچستان کے ضلع خضدار میں دہشت گردانہ حملے کے شہدا کے ایصالِ ثواب کے لیے فاتحہ خوانی سے ہوا۔

کانفرنس کے شرکا کا کہنا تھا کہ خضدار میں سفاکانہ کارروائی بھارت کی پشت پناہی سے چلنے والی پراکسیز کے ذریعے کی گئی، جس کے نتیجے میں 4 معصوم بچے اور 2 بے گناہ افراد شہید ہوئے۔

کور کمانڈرز نے نہتے شہریوں، بالخصوص معصوم بچوں کو دانستہ نشانہ بنانے کو انسانیت کے بنیادی اصولوں اور بین الاقوامی قوانین کی صریحاَ اور قابلِ مذمت خلاف ورزی قرار دیا۔

فورم نے معرکہ حق کے شہدا کو زبردست خراج عقیدت پیش کیا جنہوں نے بھارت کی بلا اشتعال جارحیت کے دوران اپنی جانوں کا قیمتی نذرانہ پیش کیا جبکہ یہ اعادہ کیا کہ شہدا کا خون رائیگاں نہیں جائے گا اور پاکستان کے عوام کا تحفظ مسلح افواج کی اولین ترجیح رہے گی۔

آئی ایس پی آر کے مطابق کانفرنس کے شرکا نے فیلڈ مارشل عاصم منیر کی اسٹریٹجک وژن، غیر متزلزل قیادت اور قومی دفاع کے لیے اُن کی مؤثر اور گراں قدر خدمات کا بھی اعتراف کیا اور آرمی چیف کو فیلڈ مارشل کا اعزاز ملنے پر مبارکباد پیش کی۔

فورم نے اندرونی اور بیرونی سلامتی کے درپیش چیلنجز اور مجموعی سیکیورٹی صورتحال کا تفصیلی جائزہ لیا، خاص طور پر ’معرکہ حق‘ کے ایک اہم اور فیصلہ کن مرحلے، آپریشن ’بنیان مرصوص‘ کی کامیاب تکمیل کو سراہا۔

کور کمانڈرز کانفرنس میں پاکستان کی مسلح افواج کی پیشہ وارانہ مہارت، باہمی ہم آہنگی، بلند حوصلے اور قوم کی غیر متزلزل حمایت کو سراہا گیا۔

فورم نے پاکستانی میڈیا اور ’انفارمیشن وارئیرز‘ کو سراہا جو بھارتی پروپیگنڈے ، جعلی خبروں اور جنگی جنون کے خلاف ریاست کے ساتھ قدم ملا کر کھڑے رہے۔

شرکا کا کہنا تھا کہ پاکستانی میڈیا نے حقائق اور اعداد و شمار کو درست طریقے سے پیش کرتے ہوئے عوامی اعتماد کو فروغ دیا اور غلط معلومات کا تدارک کیا۔

آئی ایس پی آر کے مطابق کور کمانڈرز کانفرنس کے شرکا نے پاکستانی نوجوانوں کے جذبے اور متحرک شراکت کو تہہ دل سے سراہا، جن کی قومی حب الوطنی اور جوش و جذبے نے نہ صرف قومی روح کو اُجاگر کیا بلکہ قومی بیانیہ کو مؤثر انداز میں پیش کیا۔

فورم نے سیاسی قیادت کو ان کی دور اندیشی، معرکہ حق کے دوران بے مثال قیادت ، پختہ یقین اور غیر متزلزل عزم کے ساتھ قوم کی رہنمائی پر سلام پیش کیا جب کہ بھارتی مسلح جارحیت کے خلاف کامیابی کو ان عوامل کی مرہونِ منت قرار دیا۔

کور کمانڈرز نے پاکستان کے مؤثر اور بروقت دفاعی رسپانس کو مثالی قرار دیتے ہوئے پاکستان کی بھرپور جوابی دفاعی کارروائی کو بہترین اور واضح تزویراتی حکمت عملی کا عکاس قرار دیا۔

فورم نے پاکستان کی خود مختاری، علاقائی سالمیت کی بقا کے لیے کسی بھی بیرونی جارحیت کا مکمل آپریشنل تیاری سے مقابلہ کرنے اور قومی مفادات کے تحفظ کے لیے تمام ضروری اقدامات اُٹھانے کے عزم کا اعادہ کیا۔

کور کمانڈرز نے اعادہ کیا کہ طاقت کے استعمال اور دھمکی آمیز رویے کے ذریعے پاکستان پر دباؤ ڈالنے کی کسی بھی کوشش کو کامیاب نہیں ہونے دیا جائے گا۔

فورم نے بلوچستان اور خیبر پختونخوا میں متحرک ہندوستانی حمایت یافتہ دہشت گرد پراکسیوں کی سرکوبی کے لئے تمام وسائل بروئے کار لانے کا اعادہ کیا۔

شرکا کا کہنا تھا کہ پہلگام واقعے کی آڑ میں کی جانے والی جارحیت کی ناکامی پر بھارت پاکستان میں بدامنی پھیلانے کے خفیہ منصوبے پر عملد درآمد کر رہا ہے، بھارت ایک جانب خود کو دہشت گردی کا شکار ظاہر کرتا ہے لیکن درحقیقت وہ خود دہشت گردی کا مرتکب اور علاقائی عدم استحکام کا مرکز ہے ۔

کور کمانڈرز نے کہا کہ پاکستان کو کمزور کرنے کے لئے پراکسیوں کا استعمال بھارت کا وطیرہ رہا ہے لیکن پاکستان کسی صورت بھی بیرونی سرپرستی میں ہونے والی دہشت گردی کے ذریعے اپنے امن پر سمجھوتہ کرنے کی اجازت نہیں دے گا۔

شرکا کا کہنا تھا کہ مسلح افواج، انٹیلی جنس ایجنسیوں اور قانون نافذ کرنے والے اداروں کے درمیان ہم آہنگی کے ساتھ، دہشت گرد پراکسیوں اور ان کے سہولت کاروں کا غیر متزلزل عزم کے ساتھ مقابلہ کریں گی۔

مزید کہا ’انتشار اور خوف کی فضا پیدا کرنے کے لیے بیرونی سرپرستی میں کام کرنے والے ملک دشمن عناصر کو قومی عزم اور مکمل استعداد کے ساتھ نیست و نابود کر دیا جائے گا۔

فورم نے حالیہ کشیدگی کے تناظر میں علاقائی سلامتی اور مشرقی بارڈر پر سیکیورٹی کی صورتحال کا تفصیلی جائزہ لیا جب کہ مقبوضہ کشمیر میں انسانی حقوق کی سنگین اور مسلسل خلاف ورزیوں پر شدید تشویش کا اظہار کیا۔

کور کمانڈرز کانفرنس میں بھارت کی اشتعال انگیز کارروائیوں کی سخت مذمت کی اور انہیں مقامی سطح پر فطری ردعمل کے جنم کا شاخسانہ قرار دیا جب کہ خطے میں پائیدار امن کے لئے بین الاقوامی برادری کی فوری توجہ اور مؤثر مداخلت کی ضرورت پر زور دیا۔

فورم نے کشمیریوں کی حقِ خود ارادیت کے لیے جاری منصفانہ جدوجہد اور ان کی مکمل سفارتی، سیاسی، اخلاقی اور انسانی حمایت کے غیر متزلزل عزم کا اعادہ کیا۔

آرمی چیف نے تمام رینکس کے بلند حوصلے، اعلیٰ آپریشنل تیاری ، غیر معمولی پیشہ وارانہ صلاحیتوں اور پاکستانی قوم کی غیر متزلزل حمایت کو سراہا۔

فیلڈ مارشل نے حالیہ کامیابیوں کو اللہ تعالیٰ کا فضل و کرم قرار دیا اور فورم کو درپیش سلامتی کے خطرات کے تناظر میں اعلیٰ ترین آپریشنل تیاری کی ضرورت پر زور دیا۔

کانفرنس کے اختتام پر آرمی چیف جنرل عاصم منیر نے اندرونی استحکام کو یقینی بنانے اور قومی سرحدوں کو محفوظ بنانے میں پاک فوج کے کلیدی کردار پر اعتماد کا اظہار کیا اور اِ س سلسلے میں اٹھائے جانے والے اقدامات کو سراہا۔

فیلڈ مارشل نے پاکستان کے عوام کی غیر متزلزل حمایت کو خراجِ تحسین پیش کرتے ہوئے کہا کہ پاکستان کے عوام ہماری طاقت کا سرچشمہ ہیں جبکہ ہم بیرونی جارحیت، دہشت گردی اور انتہا پسندی کے خلاف جاری اپنی مشترکہ جدوجہد میں عوام کے اعتماد اور امیدوں پر پورا اترنے کے لیے پرعزم ہیں۔

بھارتی اداکارہ سربھی داس نے پاکستانی اداکارہ ہانیہ عامر کے خلاف نفرت انگیز بیان دے کر ایک نیا تنازعہ کھڑا کردیا ہے۔

سربھی داس کا کہنا تھا کہ ہانیہ عامر بھارت مخالف بیانات دینے کے باوجود بھارتی عوام کے سامنے اپنی موجودگی کے لیے بھیک مانگتی ہیں، اور ان کے بھارتی آڈینس سے تعلقات کے بارے میں سخت تنقید کی۔

مودی کی تصویر اور سندور، ایشوریہ رائے سمیت بالی ووڈ گھٹیا پن پر اتر آیا

سربھی داس نے انسٹاگرام پر ایک اسٹوری شیئر کرتے ہوئے کہا، ”تم بھارتیوں سے کام کرنے کے لیے ہمیشہ اپنی پوسٹس ڈالتے ہو، اور اب تمہیں غم و غصہ اس لیے ہے کہ تمہارا بالی وڈ میں کام کرنے کا خواب ٹوٹ چکا ہے۔“

یہ بیان اس وقت آیا جب ہانیہ عامر نے پہلگام حملے کے بعد بھارتی فوج کی جانب سے پاکستانیوں پر ہونے والے حملوں کی مذمت کی تھی، اور شہیدوں کے حق میں آواز اٹھائی تھی۔

”جے فار جاوید جے فار جہنم“: نادیہ حسین کی نئی پوسٹ نے سوشل میڈیا پر ہلچل مچا دی

ہانیہ عامر کے اس بیان کے بعد بھارتی سوشل میڈیا پر ان کے خلاف شدید تنقید کی گئی، اور بعض بھارتی اداکاروں نے ان پر الزام عائد کیا کہ وہ بھارت میں کام کرنے کے لیے بھارتی فینز کی حمایت حاصل کرنا چاہتی ہیں۔

ہانیہ عامر گزشتہ کچھ سالوں سے بھارت میں اپنی شہرت میں اضافہ کر رہی تھیں، خصوصاً ان کی بھارت کے معروف گلوکار بادشاہ اور پنجابی گلوکار سلیجیت دوسانجھ کے ساتھ تعلقات کی وجہ سے۔ تاہم، پہلگام حملے کے بعد ان کا انسٹاگرام اکاؤنٹ بھارت میں بند کر دیا گیا، جس کے بعد ان کے خلاف تنقید کی لہر چل پڑی۔

کرکٹر کے ساتھ جعلی تصاویر وائرل، پریتی زنٹا بھڑک اٹھیں

سربھی داس کی جانب سے ہانیہ عامر کو مخاطب کرتے ہوئے لکھا گیا تھا کہ ”اب اچانک تمہیں اتنا غم کیوں آیا؟ جب ہمارے لوگ مرے تھے، تمہارے غصے کا کہیں کوئی نشان نہیں تھا۔“

ان کی اس پوسٹ نے سوشل میڈیا پر مختلف ردعمل پیدا کیا، جہاں کچھ افراد نے ان کی حمایت کی، تو کچھ نے ہانیہ عامر کو اس کی وجہ سے مورد الزام ٹھہرایا۔

سوشل میڈیا پر اس متنازعہ بیان کے بعد اداکارہ کرن اشفاق نے لکھا، ”ہانیہ کی وجہ سے اب انہیں موقع ملا ہے غصہ نکالنے کا۔“ بہت سے صارفین نے اس بات پر بھی تبصرے کیے کہ ”ہانیہ عامر ایسی باتوں کی مستحق تھیں۔“

ترجمان پاک فوج لیفٹیننٹ جنرل احمد شریف چوہدری نے الجزیرہ ٹی وی کو انٹرویو دیتے ہوئے کہا ہے کہ بھارت نے سندھ طاس معاہدے کی خلاف ورزی کی تو آزاد کشمیرکے 6 دریا پاکستان کے ہوں گے، بھارت کو ایسا سبق سکھایا، جو کبھی نہیں بھولے گا، بھارت کے خلاف ہماری فوجی حکمت عملی کومستقبل میں نصاب میں پڑھایا جائے گا۔

ڈی جی آئی ایس پی آر لیفٹیننٹ جنرل احمد شریف چوہدری نے الجزیرہ ٹی وی کو انٹرویو میں کہا ہے کہ بھارت نے سندھ طاس معاہدے کی خلاف ورزی کی تو آزاد کشمیر پر چھ دریا پاکستان کے ہوں گے، پاکستان کی مسلح افواج نے بھارتی فوج کو ایسا سبق سکھایا ہے جو وہ کبھی نہیں بھولے گی۔

ترجمان پاک فوج لیفٹیننٹ جنرل احمد شریف چوہدری نے کہا کہ پاکستان نے دشمن کے 26 اہداف منتخب کیے اور ان تمام کو کامیابی سے نشانہ بنایا، جو ہماری فوجی صلاحیت اور حکمت عملی کا واضح ثبوت ہے۔ پہلگام واقعے کے بعد بھارت نے ایک فرضی کہانی گھڑی، ہم نے ثبوت مانگا تھا تاکہ شفاف تحقیقات ہوسکیں لیکن بھارت کے پاس کوئی جواب نہیں تھا اور آج تک وہ اس کا جواب نہیں دے سکا۔

خصوصی انٹرویو میں ڈی جی آئی ایس پی آر نے کہا کہ ہم نے دنیا کے سامنے حقائق رکھے، نہ کوئی جھوٹ بولا اور نہ کسی چیز کو مسخ کیا۔ لیفٹیننٹ جنرل احمد شریف نے زور دیا کہ مذہبی مقامات کو نشانہ بنانا ہمارے اقدار اور دین کے خلاف ہے، اس لیے پاک فوج ایسی کسی حرکت کا تصور بھی نہیں کر سکتی۔

پاک چین تعلقات خطے میں امن و استحکام کی بنیاد ہیں، ڈی جی آئی ایس پی آر

ڈی جی آئی ایس پی آر نے بھارتی میڈیا اور حکومت پر تنقید کرتے ہوئے کہا کہ وہ آج بھی جھوٹے بیانیے اور فرضی کہانیاں گھڑ کر پیش کر رہے ہیں۔ انہوں نے کہا کہ بھارت کے خلاف پاکستان کی عسکری حکمت عملی کومستقبل میں پڑھایا جائے گا۔

بھارت آگ سے کھیل رہا ہے، ہم جنگ کیلئے تیار ہیں، اگر جنگ چاہئے تو جنگ سہی، ڈی جی آئی ایس پی آر

انٹرویو کے دوران جنرل احمد شریف نے پاک فوج کی پیشہ ورانہ مہارت اور اصولی مؤقف کو اجاگر کرتے ہوئے کہا کہ پاکستان امن کا خواہاں ہے، لیکن اگر دشمن نے جارحیت کی تو منہ توڑ جواب دیا جائے گا۔

بھارتی اداکار سریش اوبرائے کے پاکستان مخالف بیانات پر پاکستانی عوام کا سخت ردعمل سامنے آیا ہے۔ پاکستان اور بھارت کے درمیان حالیہ کشیدگی کے بعد دونوں ممالک کے فنکاروں نے ایک دوسرے کے خلاف بیانات دیے ہیں۔

7 مئی کو بھارت کی جانب سے پاکستان پر فضائی حملے کیے گئے، جس کے جواب میں پاک فضائیہ نے بھارتی فوجی تنصیبات کو نشانہ بنایا۔ اگرچہ یہ تنازعہ جنگ بندی پر ختم ہوا، مگر اس کے بعد بھی فنکاروں اور عوام کی جانب سے نفرت انگیز بیانات کا تبادلہ جاری ہے۔

ایشوریا رائے بچن کی سندور بھری مانگ: طلاق کی افواہوں کو زبردست جواب مل گیا

پاکستانی اداکار ریشم، مشی خان، نادیہ خان اور بشریٰ انصاری نے نفرت پھیلانے والوں کے خلاف آواز بلند کی، جبکہ بھارت کے اداکار اکشے کمار، کریتی سینن، اور جاوید اختر سمیت دیگر نے پاکستان مخالف بیانات دیے۔

اب سریش اوبرائے کا پاکستان کے خلاف متنازعہ بیان سامنے آیا ہے، جس میں انہوں نے کہا کہ وہ نہیں چاہتے کہ کوئی پاکستانی اداکار، گلوکار یا کرکٹر بھارت آئے، اور نہ ہی بھارتی میدانوں میں پاکستانی کھلاڑیوں کو کھیلتے دیکھنا چاہتے ہیں۔

کرکٹر کے ساتھ جعلی تصاویر وائرل، پریتی زنٹا بھڑک اٹھیں

انہوں نے یہ بھی کہا کہ پاکستان کے اداکاروں اور کرکٹرز کے بھارت مخالف بیانات کو دیکھتے ہوئے ان کی بھارت میں موجودگی پر اعتراض کیا۔

سریش اوبرائے کے اس بیان پر پاکستانی سوشل میڈیا پر شدید ردعمل سامنے آیا ہے۔ اداکارہ رومیسہ خان نے کہا کہ ”جن کا بیٹا خود بالی وڈ سے بین ہے، وہ پاکستانی اداکاروں کے خلاف بات کر رہے ہیں۔“ جبکہ اداکارہ ژالے سرحدی نے کہا، ”اوہ خدایا، یہ لوگ ابھی تک نفرت پھیلا رہے ہیں؟“

ماہرہ خان کا بالی ووڈ میں واپسی کا امکان؟ اداکارہ کی وضاحت

پاکستانی سوشل میڈیا صارفین نے سریش اوبرائے کے بیانات پر تنقید کی اور کچھ نے کہا کہ ”انڈیا، برائے مہربانی اپنا منہ بند رکھو، تم پاکستان کے بغیر ایک دن بھی نہیں گزار سکتے۔“ ایک اور صارف نے کہا کہ ”ویویک اوبرائے خود دبئی میں رہ رہا ہے، جو کہ ایک مسلم ملک ہے۔“

اس بیان کے بعد پاکستان میں سریش اوبرائے کی سخت مذمت کی جا رہی ہے اور ان کے بیانات کو مزید نفرت پھیلانے کے طور پر دیکھا جا رہا ہے۔

بھارت میں ایک نوجوان لڑکی کی جانب سے نریندر مودی اور ان کی جنگجویانہ پالیسیوں کے خلاف کھلے عام تنقید کی ویڈیو سوشل میڈیا پر وائرل ہوگئی ہے۔ نوجوان لڑکی نے پاکستان پر حملے کے فیصلے کو غیر منطقی، غیر ضروری اور عام عوام کے مسائل سے توجہ ہٹانے کی کوشش قرار دے دیا۔

نوجوان لڑکی نے جذباتی انداز میں سوال اٹھایا کہ ’کیا ہم نے آپ سے کہا تھا کہ پاکستان پر حملہ کرو؟ کیا اس حملے کے بعد بھارت میں ترقی کے دروازے کھل گئے؟‘

لڑکی کا کہنا تھا کہ بھارتی نوجوانوں کو جنگ نہیں بلکہ اچھی تعلیم، معیاری اسپتال، روزگار کے مواقع اور کسانوں کے لیے سہولتیں درکار ہیں۔ ہمیں مندر نہیں، اچھی یونیورسٹیاں چاہئیں تاکہ دیش ترقی کرے۔

چھتیس گڑھ میں بھارتی فوج نے باغیوں کی آڑ میں 36 افراد کو قتل کردیا

نوجوان خاتون نے مزید کہا کہ ہم گوبر کھانے، موتر پینے والے لوگ نہیں ہیں۔ ہم کسانوں کی پیداوار کھاتے ہیں اور ان کے حق میں بولیں گے۔ کسانوں کی سستی فصلوں کو خرید کر بڑے مالز میں مہنگے داموں بیچا جاتا ہے اور سارا پیسہ مودی سرکار کی جیب میں جاتا ہے۔

انہوں نے زور دیا کہ نوجوان نسل اب ہندوتوا نظریے اور انتخابی فائدے کے لیے بنائے گئے منصوبوں سے بیزار ہو چکی ہے۔

جھوٹی خبریں پھیلانے کے الزام میں ارناب گوسوامی کے خلاف مقدمہ درج

سیاسی تجزیہ کاروں کا کہنا ہے کہ بھارتی نوجوان نسل اب مودی سرکار کی انتہاپسند پالیسیوں کو مسترد کر رہی ہے، اور یہ ویڈیو اسی عوامی بیداری کا ثبوت ہے۔ بھارتی حکومت کو اب ہوش کے ناخن لینے چاہئیں، اور عوامی فلاح کے منصوبوں پر توجہ مرکوز کرنی چاہیے۔

پاکستان نے بھارتی ہائی کمیشن کے ایک اہلکار کو ناپسندیدہ شخصیت قرار دیتے ہوئے 24 گھنٹوں کے اندر ملک چھوڑنے کی ہدایت جاری کر دی۔

ترجمان دفتر خارجہ کے مطابق یہ اقدام بھارت کی جانب سے پاکستانی ہائی کمیشن کے ایک اور اہلکار کو ناپسندیدہ قرار دینے اور ملک چھوڑنے کا حکم دینے کے ردعمل میں کیا گیا۔ ترجمان کا کہنا تھا کہ بھارتی اہلکار ایسے سرگرمیوں میں ملوث پایا گیا جو اس کے سفارتی استحقاق اور آداب کے منافی تھیں۔

دفتر خارجہ کے بیان کے مطابق اس فیصلے سے متعلق بھارتی ناظم الامور کو وزارتِ خارجہ طلب کر کے باضابطہ آگاہ کیا گیا اور بھارت کو واضح پیغام دیا گیا کہ پاکستان اپنی خودمختاری اور سفارتی قواعد کی خلاف ورزی کو ہرگز برداشت نہیں کرے گا۔

بھارت کا ایک اور پاکستانی ہائی کمیشن کے اہلکار کو ناپسندیدہ قرار دے کر ملک چھوڑنے کا حکم

واضح رہے کہ گزشتہ روز بھارت نے ایک اور پاکستانی ہائی کمیشن کے اہلکار کو ناپسندیدہ قرار دے کر ملک چھوڑنے کا حکم دے دیا تھا۔ قبل ازیں 13 مئی کو بھی بھارت نے پاکستانی سفارتکار کو ناپسندیدہ شخصیت قرار دیتے ہوئے ملک چھوڑنے کا حکم دیا تھا۔بعدازاں پاکستان نے بھی بھارتی جارحیت کے جواب میں اسلام آباد میں بھارتی ہائی کمیشن کے ایک عملے کے رکن کو ناپسندیدہ شخص قرار دے کر 24 گھنٹوں میں ملک چھوڑنے کا حکم دیا تھا۔

بھارت کی مودی سرکار پاکستان دشمنی میں ایک اور اوچھی حرکت پر اتر آئی۔ پاکستانی ہائی کمیشن کے ایک اور اہلکار کو ناپسندیدہ شخصیت قرار دے کر چوبیس گھنٹے میں بھارت چھوڑنے کا حکم دے دیا گیا ہے۔

بھارتی وزارتِ خارجہ کے مطابق متعلقہ اہلکار پر سفارتی ذمہ داریوں کے برخلاف سرگرمیوں کا الزام عائد کیا گیا ہے۔ اس سلسلے میں بھارتی وزارتِ خارجہ نے پاکستانی ناظم الامور کو طلب کرکے باقاعدہ ڈی مارش بھی جاری کیا۔

یہ پہلا واقعہ نہیں، گزشتہ ہفتے بھی بھارت نے پاکستانی ہائی کمیشن کے ایک اہلکار کو اسی قسم کے الزامات کے تحت ملک بدر کر دیا تھا۔ تب بھی پاکستانی ناظم الامور کو طلب کرکے بھارت نے احتجاج ریکارڈ کرایا تھا۔

جواب میں پاکستان نے بھی بھارت کے اس اشتعال انگیز اور غیر سفارتی رویے کا جواب دیتے ہوئے اسلام آباد میں تعینات ایک بھارتی سفارتی اہلکار کو ناپسندیدہ شخصیت قرار دے کر ملک چھوڑنے کا حکم دیا تھا۔

امریکی صدر ڈونلڈ ٹرمپ نے ایک بار پھر پاکستان اور بھارت کے درمیان جنگ بندی کا سہرا اپنے سر لیتے ہوئے دعویٰ کیا ہے کہ انہی کی مداخلت سے دونوں ملکوں کے درمیان کشیدگی کا خاتمہ ممکن ہوا۔

وائٹ ہاؤس میں جنوبی افریقا کے صدر سیرل رامافوسا سے ملاقات کے بعد صحافیوں سے گفتگو کرتے ہوئے صدر ٹرمپ نے کہا کہ ’میں نے پاکستان اور بھارت سے کہا کہ تم لوگ یہ کیا کر رہے ہو؟ جنگ ختم کرو اور ہمیں تجارت کے بارے میں سوچنا چاہیے۔‘

خطے میں امن کا داعی: پاکستان کا ذمہ دارانہ عسکری مؤقف دنیا کے سامنے واضح

انہوں نے پاک بھارت جنگ بندی معاہدے کو سراہتے ہوئے کہا کہ ’دونوں ممالک ایک دوسرے پر حملے تیز کر رہے تھے اور کشیدگی خطرناک حد تک بڑھ چکی تھی، لیکن میری کوششوں سے امن قائم ہوا۔‘

صدر ٹرمپ نے پاکستانی عوام کو بہترین قرار دیتے ہوئے کہا کہ ’پاکستان کے لوگ بہترین ہیں اور ان کے پاس عظیم رہنما موجود ہیں۔‘

انہوں نے اشارہ دیا کہ امریکا، پاکستان اور بھارت کے ساتھ بڑے تجارتی معاہدے کرنے جا رہا ہے۔

اسرائیل ایرانی جوہری تنصیبات پر حملے کی تیاری کر رہا ہے، امریکی حکام کا دعویٰ

واضح رہے کہ یہ پہلا موقع نہیں جب امریکی صدر نے پاک بھارت تعلقات میں اپنی سفارتی کامیابی کا دعویٰ کیا ہو، اس سے قبل بھی وہ کئی بار ایسے بیانات دے چکے ہیں جو خطے میں سفارتی حلقوں میں موضوعِ بحث بنتے رہے ہیں۔

خرم دستگیر کا کہنا ہے کہ بھارت ایک بدمعاش ریاست ہے، ہم نے کہا تحقیقات کروا لیں، انہوں نے منع کر دیا، بھارت ثالثی اور گفتگو کیلئے بھی تیار نہیں تھا، ہمیں کشمیر کو مسئلہ بنا کر نہیں حل بنا کر پیش کرنا ہوگا، جعفرایکسپریس پرحملہ کرنےوالوں کے پاس امریکی اسلحہ تھا۔

آج نیوز کے پروگرام اسپاٹ لائٹ میں گفتگو کرتے ہوئے سابق وزیر دفاع خرم دستگیر نے کہا ہے کہ پاکستان کے پاس بھارت کی جانب سے دہشتگردی، ٹیرر فنانسنگ اور ٹارگٹ کلنگ میں ملوث ہونے کے ٹھوس شواہد موجود ہیں، جن پر حکومت جلد ایک باقاعدہ بریفنگ دینے جا رہی ہے۔

خرم دستگیر نے کہا کہ بھارت کے پاکستان میں تخریب کاری کے ملوث ہونے سے متعلق کئی معاملات زیرِ غور ہیں، جن میں لاہور اور بدین میں ہونے والی ٹارگٹ کلنگ کے حالیہ واقعات بھی شامل ہیں۔ انہوں نے انکشاف کیا کہ کچھ حملوں کی ذمہ داری بھارت سے تعلق رکھنے والے عناصر نے قبول کی ہے۔

سابق وزیر دفاع نے کہا کہ بھارت نہ تو ثالثی کے لیے تیار ہوتا ہے، نہ بات چیت کے لیے، اور نہ ہی کسی بین الاقوامی تحقیقات کو قبول کرتا ہے۔ ہم نے کہا کہ معاملے کی تحقیقات کروا لیتے ہیں، لیکن انہوں نے منع کر دیا۔ بھارت کسی بھی قسم کی شفافیت یا احتساب سے گریز کرتا ہے۔

خرم دستگیر کا کہنا تھا کہ بھارت صرف سیکیورٹی معاملات ہی نہیں، پانی جیسے اہم انسانی و تہذیبی مسئلے پر بھی غیر ذمے داری کا مظاہرہ کر رہا ہے۔ دریائے سندھ کی تہذیب ہزاروں سال پرانی ہے، اور اگر بھارت پانی روکنے کی کوشش کرتا ہے تو یہ صرف سیاسی نہیں بلکہ تہذیبی حملہ ہوگا۔ 25 کروڑ پاکستانی اس پانی پر انحصار کرتے ہیں، یہ ڈالر کا نہیں، زندگی کا مسئلہ ہے۔

انہوں نے واضح کیا کہ پانی کے مسئلے پر ماحولیاتی تنظیموں سے بھی رابطہ کیا جائے گا تاکہ دنیا کو بتایا جا سکے کہ بھارت کس طرح ایک تہذیب کے خلاف جارحیت کر رہا ہے۔

سابق وفاقی وزیردفاع نے بھارت کو ”بدمعاش ریاست“ قرار دیتے ہوئے کہا کہ وہ نہ صرف خطے میں امن کے خلاف کام کر رہا ہے بلکہ عالمی سطح پر بھی تجارتی بدنامی کا شکار ہے۔ بھارت ٹیرف پالیسیز کی وجہ سے دنیا بھر میں بدنام ہے، یہاں تک کہ امریکہ نے ایپل کو بھارت میں کام کرنے سے روک دیا۔

خرم دستگیر نے اس بات پر زور دیا کہ پاکستان کو مسئلہ کشمیر کو صرف ایک مسئلے کے طور پر نہیں بلکہ حل کے طور پر دنیا کے سامنے پیش کرنا ہوگا۔

جنگ بندی کے باوجود بھارتی حکومت کی اشتعال انگیزیاں جاری ہیں، بھارت نے ایک اور پاکستانی ہائی کمیشن کے اہلکار کو ناپسندیدہ قرار دے کر ملک چھوڑنے کا حکم دے دیا۔

بھارت نے ایک بار پھر پاکستان کے ساتھ سفارتی محاذ پر سخت رویہ اختیار کرتے ہوئے پاکستانی ہائی کمیشن کے ایک اور اہلکار کو ناپسندیدہ قرار دے دیا۔

بھارتی وزارت خارجہ کی جانب سے پاکستانی ہائی کمیشن کے اہلکار کو 24 گھنٹوں کے اندر ملک چھوڑنے کا حکم جاری کیا گیا ہے۔

بھارت کی جانب سے پاکستانی ہائی کمیشن کے اہلکار پر غیر پیشہ ورانہ سرگرمیوں میں ملوث ہونے کا الزام عائد کیا گیا ہے۔

بھارت کا پاکستانی ہائی کمیشن کے اہلکار کو ناپسندیدہ شخصیت قرار دے کر ملک چھوڑنے کا حکم

بھارتی حکومت کی جانب سے جاری کردہ بیان کے مطابق نئی دہلی میں تعینات پاکستانی ہائی کمیشن کے ناظم الامور کو آج باضابطہ طور پر بھارتی وزارت خارجہ میں طلب کر کے احتجاجی مراسلہ تھمایا گیا۔

پاکستانی ہائی کمیشن یا دفتر خارجہ کی جانب سے تاحال اس پیش رفت پر کوئی سرکاری ردعمل سامنے نہیں آیا تاہم سفارتی ذرائع کا کہنا ہے کہ اسلام آباد کی جانب سے اس اقدام پر شدید تحفظات کا اظہار متوقع ہے۔

یاد رہے کہ حالیہ مہینوں میں بھارت کی جانب سے پاکستانی سفارتی عملے کے خلاف ایسے اقدامات میں اضافہ دیکھنے میں آیا ہے، جسے ماہرین دونوں ممالک کے تعلقات میں بڑھتی کشیدگی کی علامت قرار دے رہے ہیں۔

واضح رہے کہ قبل ازیں 13 مئی کو بھی بھارت نے پاکستانی سفارتکار کو ناپسندیدہ شخصیت قرار دیتے ہوئے 24 گھنٹوں میں ملک چھوڑنے کا حکم دیا تھا۔

بھارتی وزارت خارجہ کی جانب سے جاری بیان میں کہا گیا تھا کہ دہلی میں پاکستانی ہائی کمیشن کے ایک اہلکار کو ناپسندیدہ شخصیت قرار دیا گیا ہے۔

بھارتی وزرات خارجہ کے مطابق پاکستانی ناظم الامور کو ہندوستانی وزارت خارجہ طلب کیا گیا تھا اور انہیں احتجاجی مراسلہ جاری کیا گیا تھا۔

بعدازاں پاکستان نے بھی بھارتی جارحیت کے جواب میں اسلام آباد میں بھارتی ہائی کمیشن کے ایک عملے کے رکن کو ناپسندیدہ شخص قرار دے کر 24 گھنٹوں میں ملک چھوڑنے کا حکم دیا تھا۔

حکومت پاکستان کی جانب سے بھارتی ہائی کمیشن کے اہلکار کو 24 گھنٹوں کے اندر پاکستان چھوڑنے کی ہدایت کی گئی تھی۔

اس حوالے سے بھارتی ناظم الامور کو وزارت خارجہ طلب کرکے اس فیصلے سے متعلق باضابطہ احتجاجی مراسلہ دیا گیا تھا۔

خضدار میں آج اسکول بس پر حملہ ایک بار پھر بھارت اور کالعدم تنظیم بی ایل اے (BLA) کے گٹھ جوڑ کو بے نقاب کر گیا۔ اس دل دہلا دینے والے حملے میں تین معصوم بچے اور دو بالغ افراد شہید جبکہ کئی دیگر زخمی ہوئے۔ وہی تنظیم جو برسوں سے بھارت کی خفیہ ایجنسی ”را“ کی پشت پناہی میں پاکستان میں دہشت گردی کر رہی ہے۔ کلبھوشن یادیو، جعفر ایکسپریس، گوادر، دشت اور کراچی جیسے واقعات میں بی ایل اے کا کردار ثابت کرتا ہے کہ یہ محض ایک علیحدگی پسند گروہ نہیں بلکہ دہلی کی تیار کردہ ایک دہشت گرد تنظیم ہے اور اب پاکستان کے بچے بھی اس کا نشانہ بن رہے ہیں۔

خضدار میں اسکول بس پر ہونے والا حالیہ دہشت گرد حملہ صرف ایک سانحہ نہیں، بلکہ بھارت اور کالعدم تنظیم بی ایل اے کے دیرینہ گٹھ جوڑ کی ایک بار پھر کھلی نشان دہی ہے۔ یہ حملہ آپریشن سندورمیں بھارت کو ہونے والی ذلت آمیز شکست کے بعد اس کی پراکسی دہشت گردی کی طرف واپسی کا واضح ثبوت ہے۔

بھارت، جو میدانِ جنگ میں پاکستان کی عسکری صلاحیتوں کے سامنے بے بس ہو چکا ہے، اب بچوں، خواتین اور عام شہریوں پر حملوں کے ذریعے اپنی شکست کا بدلہ لے رہا ہے۔

خضدار کا واقعہ اس بزدلانہ حکمتِ عملی کی تازہ مثال ہے، جہاں نہتے بچوں کو نشانہ بنا کر ایک پیغام دینے کی کوشش کی گئی کہ بھارت اپنی ہار کو دہشت گردی سے چھپانا چاہتا ہے۔

یہ پہلا موقع نہیں جب بی ایل اے نے بھارتی سرپرستی میں پاکستان کے معصوم شہریوں پر حملہ کیا ہو۔ 2015 سے اب تک 18 سے زائد ایسے حملے سامنے آ چکے ہیں جن میں صرف شہری جاں بحق ہوئے ہوئے۔ ان حملوں کے پیچھے ہمیشہ ایک ہی مرکزی منصوبہ ساز کھڑا ہوتا ہے: بھارت کی خفیہ ایجنسی ”را“۔

گرفتار دہشت گردوں کے بیانات، برآمد شواہد اور مالی نیٹ ورک کی تفتیش اس بات کی تصدیق کر چکی ہے کہ بی ایل اے کو تربیت، فنڈنگ، اسلحہ اور اہداف سب کچھ دہلی سے فراہم کیا جاتا ہے۔

بھارتی میڈیا بھی اس پراکسی بیانیے کا حصہ بن چکا ہے۔ Zee News، WION اور دیگر چینلز نہ صرف ان دہشت گردوں کو پلیٹ فارم فراہم کرتے ہیں بلکہ ان کے بیانیے کو ”علیحدگی پسندی“ کے رنگ میں چھپا کر پیش کرتے ہیں۔ یہ وہی بھارت ہے جو انسانی حقوق کے نام پر دنیا بھر میں لیکچر دیتا ہے، مگر خود بچوں پر حملے کرواتا ہے اور قاتلوں کو مائیک تھما دیتا ہے۔

بی ایل اے (BLA) کی قیادت متعدد بار کھلے عام بھارت سے مدد کی اپیل کر چکی ہے، اور بھارت نے صرف سننے پر اکتفا نہیں کیا، بلکہ اس پر عمل بھی کیا۔ یہی وہ فضا ہے جس میں پاکستان کی ترقیاتی منصوبے، خصوصاً سی پیک، کو سبوتاژ کرنے کی منظم کوششیں کی جا رہی ہیں۔

گوادر، دشت، اور اب خضدار — ہر حملہ ایک ہی مقصد کے تحت کیا گیا کہ پاکستان کو معاشی طور پر کمزور کرنا، عوام میں خوف پھیلانا، اور عالمی سطح پر غیر یقینی فضا قائم کرنا۔

کلبھوشن یادیو کا اعترافی بیان بھارت کی پراکسی حکمت عملی کا ناقابل تردید ثبوت ہے۔ بی ایل اے محض ایک گروہ نہیں بلکہ دہلی کا تیار کردہ ہتھیار ہے جو پاکستانی سرزمین پر بھارت کی ناپاک جنگ لڑ رہا ہے۔

پاکستان نے دہشت گردی کے خلاف جنگ میں 83,000 سے زائد جانوں کی قربانی دی ہے۔ پاکستان امن، ترقی اور خودمختاری کے راستے پر چل رہے ہیں، اور ہر بار جب ملک آگے بڑھتا ہے، دشمن اپنے بزدلانہ ہتھکنڈے دہراتا ہے۔ لیکن اب وقت آ چکا ہے کہ خضدار کے معصوم شہدا کا حساب لیا جائے۔ دشمن کے ہر ایجنٹ، ہر سہولت کار، اور ہر سازشی کو قانون کے کٹہرے میں لایا جائے گا۔

پاکستان یہ حملہ نہیں بھولے گا۔ دشمن کی ہر چال، ہر منصوبہ اور ہر وار کا فیصلہ کن، قانونی اور بے رحم انداز میں جواب دیا جائے گا۔ یہ ریاست امن، غیرت اور ترقی کی علامت ہے۔ اپنے بچوں کے خون کا حساب ہم ضرور لیں گے۔

پاکستان میں پکڑے جانے والے مشہور انڈین جاسوس

یہ پہلا موقع نہیں جب بی ایل اے نے بھارتی سرپرستی میں پاکستان کے معصوم شہریوں پر حملہ کیا ہو۔

اس سے قبل جعفر ایکسپریس پر حملہ میں دہشتگرد بھارتی سہولت کاروں سے افغانستان میں را بطے میں تھے۔ بلوچستان میں جعفر ایکسپریس پر ہونے والے دہشت گرد حملے کے بعد بھارتی میڈیا اور مخصوص سوشل میڈیا اکاؤنٹس سفید جھوٹ اور بے بنیاد پروپیگنڈا پھیلانے میں مصروف رہا۔

بھارتی ذرائع ابلاغ اور سوشل میڈیا ایکٹویسٹز نے کالعدم دہشت گرد تنظیم بی ایل اے اور را کے پیغامات کو سوشل میڈیا پر پھیلانے کی کوشش کی، بھارتی ٹی وی چینلز نے جعلی ویڈیوز، پرانی تصاویر اور اے آئی سے بنی ویڈیوز کا سہارا لیا تاکہ غلط معلومات اور پروپیگنڈا پھیلایا جا سکے۔

اگست 2021 میں گوادر میں کالعدم تنظیم بی ایل اے نے چینی شہریوں کو نشانہ بنانے کے لیے ایک خودکش بم حملہ کیا، جس میں دو بچے شہید اور متعدد افراد زخمی ہوئے۔ حملے میں استعمال ہونے والا بمبار ایک کم عمر لڑکا تھا، جسے بھارتی تربیتی نیٹ ورک کے تحت تیار کیا گیا۔

اسی طرح جون 2020 میں تربت میں سیکیورٹی فورسز پر حملے میں چھ اہلکار شہید ہوئے۔ تفتیش میں معلوم ہوا کہ دہشت گرد افغانستان کے راستے داخل ہوئے تھے اور انہیں بھارت سے فنڈنگ فراہم کی گئی تھی۔

جون 2020 میں ہی پاکستان اسٹاک ایکسچینج کراچی میں بھی بی ایل اے سے منسلک دہشت گردوں نے حملہ کیا، جسے فورسز نے بروقت ناکام بنایا۔ حملے کی منصوبہ بندی افغانستان میں بی ایل اے کے بھارتی نیٹ ورک نے کی تھی۔

فروری 2023 میں پنجگورمیں ایف سی چوکی پر حملے میں بی ایل اے کے دہشت گردوں نے راکٹ لانچر اور خودکار ہتھیاروں کا استعمال کیا۔ اس حملے میں بھارت سے موصول شدہ جدید اسلحہ استعمال ہونے کے شواہد ملے۔

اکتوبر 2023 میں دشت میں پاکستان کے تعمیراتی عملے پر حملہ کیا گیا جو سی پیک (CPEC) منصوبے پر کام کر رہے تھے اور اس حملے کی ذمے داری بی ایل اے نے قبول کی، اور بعد میں یہ بھی سامنے آیا کہ دہشت گردوں کو بھارتی انٹیلی جنس نے سیٹلائٹ تصاویر اور راستے فراہم کیے تھے۔

یاد رہے کہ بلوچستان میں بھارتی دہشتگردی کے ثبوتوں سے متعلق چینی اخبار گلوبل ٹائمز نے بھی لکھا کہ پاکستانی سرزمین پر بھارت کی جانب سے کی جانے والی دہشتگردی کے شواہد موجود ہیں۔ گلوبل ٹائمز کے مطابق بھارت خفیہ طورپر پاکستان میں دہشتگرد قوتوں کی مالی معاونت کی۔

گلوبل ٹائمز نے لکھا کہ پاکستان میں بھارتی دہشتگردی کی ایک طویل تاریخ موجود ہے، بھارت خطے میں عدم استحکام کے لیے بلوچستان میں مقامی لوگوں کو بغاوت پر اکسا رہا ہے۔

ذرائع کے مطابق بھارتی خفیہ ایجنسی ’را‘ 21 سے زائد دہشتگرد بیس کیمپس چلا رہی ہے جہاں دہشتگردوں کو بارودی مواد اور تربیت فراہم کی جاتی ہے۔ بھارت میں ان دہشتگردوں کو طبی علاج کی سہولیات بھی مہیا کی جاتی ہیں۔

2016 میں کالعدم تنظیم بی ایل اے کے اہم کمانڈر اسلم اچھو نے افغانستان کے جعلی پاسپورٹ پر بھارت کا سفر کیا۔ دہلی میں نہ صرف ’را‘ اہلکاروں سے ملاقات کی بلکہ ہسپتال میں زیر علاج بھی رہا۔

اسلم اچھو 2018 میں کراچی میں چینی قونصلیٹ پر حملے اور چینی انجینئروں پر دالبندین میں خودکش حملے کا ماسٹر مائنڈ تھا جب کہ دہشتگرد اسلم اچھو کا بیٹا ریحان 2018 میں دالبندین میں چینی انجینئروں پر خودکش حملے میں ملوث تھا۔

بی ایل اے کے موجودہ سرغنہ بشیر زیب نے 2017 میں جعلی نام ’گل آغا‘ اور افغان پاسپورٹ کے ذریعے بھارت کا دورہ کیا اور حالیہ دہشتگردی کی منصوبہ بندی میں ملوث پایا گیا، دہشتگرد بشیر زیب کراچی ایئرپورٹ پر چینی اہلکاروں پر حملے اور جعفر ایکسپریس پر حملے کی منصوبہ بندی میں ملوث تھا۔

سرغنہ بلوچ نیشنل آرمی گلزار امام عرف شمبے نے بھی بھارتی ریاستی دہشتگردی کے واضح ثبوت دئیے، گلزار امام عرف شمبے نے بھی بھارتی سرپرستی اور بھارت میں علاج کا اعتراف کیا۔

خیال رہے کہ 9 مئی 2025 کو ڈی جی آئی ایس پی آر نے بین الاقوامی میڈیا کو بلوچستان میں بھارتی تخریب کاری کے ثبوت پیش کیے۔ بھارت کالعدم بی ایل اے کی پشت پناہی کر رہا ہے، بھارت فتنہ الخوارج سمیت دوسرے دہشت گرد گروپوں کو معاونت فراہم کر رہا ہے۔ ایک ٹیلی فونز کال میں بھارتی ایجنسی کے افسر نے تسلیم کیا کہ وہ پاکستان میں دہشگردی میں ملوث ہے۔ بھارتی خفیہ ایجنسی کا افسر دہشتگردوں کو بھاری رقم دینے کی بات کر رہا ہے۔ بھارتی خفیہ ایجنسی کا افسر دہشت گردوں کو عوامی مقامات پر حملوں کے لیے کہتا ہے۔

ترجمان پاک فوج نے یہ بھی بتایا کہ 25، 26 اپریل کو فتنہ الخوارج کی سب سے بڑی تشکیل روکی گئی، 71 دہشتگردوں کو مار دیا گیا، کیونکہ یہ دہشتگرد جلدی میں آئے تھے، انہیں بھارتی ایجنسیوں نے کہا کہ فوری جاؤ، جہلم میں ایک دہشتگرد پکڑا گیا، اس دہشتگرد کے موبائل سے بڑی معلومات ملیں، بھارتی ملٹری انٹیلی جنس اس سے دہشتگردی کروا رہی تھی۔

وزیراعظم شہباز شریف نے کہا ہے کہ پاکستان اور بھارت مذاکرات کے لئے سعودی عرب اور یو اے ای میں سے کسی ایک مقام کا تعین کریں گے، مذاکرات کے دوران امریکا بنیادی کردارادا کرے گا، بھارت کے ساتھ غیرجانبدار مقام پر کشمیر، پانی، تجارت اور دہشت گردی پر بات ہوگی، اسرائیل نے جنگ کے دوران بھارت کی بھرپور مدد کی لیکن ہم نے فتح پائی۔

تفصیلات کے مطابق وزیراعظم شہبازشریف سے سینئر صحافیوں نے اسلام آباد میں ملاقات کی، اس موقع پر وزیراعظم نے کہا کہ پاکستان نے جنگ بندی کے لیے قطعاً کوئی درخواست نہیں کی تھی، اگر ہم نے جنگ بندی کی درخواست کی ہوتی تو عالمی برداری بتا دیتی۔

وزیراعظم نے کہا کہ ڈی جی ملٹری آپریشنز کی گفتگو میں یہ طے پایا کہ دونوں ممالک کی افواج جنگ سے پہلی پوزیشن پر جائیں گی، دونوں ممالک کی افواج پہلے والی پوزیشن پر کب جائیں گی اس کاٹائم فریم بھی نہیں بتا سکتے۔

ان کا کہنا تھا کہ پاکستان اور بھارت مذاکرات کے لئے سعودی عرب اور یو اے ای میں سے کسی ایک مقام کا تعین کریں گے، مذاکرات کے دوران امریکا بنیادی کردارادا کرے گا، مشیر قومی سلامتی و ڈی جی آئی ایس آئی پاکستان کی نمائندگی کریں گے۔

شہباز شریف نے کہا کہ پسرور میں ایک چوکی پر ہماری افواج نے ڈٹ کر مقابلہ اور پیچھے نہیں ہٹے، حالانکہ پسرور کی اس چیک پوسٹ پر ایک جوان اور8 شہری شہید ہوئے، پسرور چیک پوسٹ ہمارے بہادر سپاہی آخری فوجی تک لڑ ے اور اپنی چیک پوسٹ کو نہیں چھوڑا۔

پاکستان اور بھارت کے ڈی جی ایم اوز کے درمیان رابطہ، ہفتہ وار معمول کے رابطے جاری رکھنے پر اتفاق

وزیراعظم سے سوال کیا گیا کہ پاک بھارت جنگ کے دوران کیا اسرائیلی بھارت میں موجود تھے، انہوں نے جواب دیتے ہوئے کہا کہ اطلاعات ہیں کہ اسرائیل کے لوگ بھارت میں موجود تھے، اسرائیل نے جنگ کے دوران بھارت کی بھرپور مدد کی لیکن ہم نے فتح پائی۔

ان کا کہنا تھا کہ اللہ کے کرم سے ہماری فتح ہوئی، پاکستان نے بھارت پر حملے میں جوالفتح میزائل استعمال کیا وہ پاکستان کا اپنا بنایا ہوا تھا، آرمی چیف نے اس پوری جنگ کو تمام افواج کی طرف سے لیڈ کیا، ہم نے دعائے خیر بھی کی اور پھر فتح بھی نصیب ہوئی۔

وزیراعظم نے کہا کہ رات ڈھائی بجے مجھے آرمی چیف کا غصے سے بھرا فون آیا، آرمی چیف نے فون پر کہا کہ بھارت نے حملے کی تیاری کرلی ہے، میں نے آرمی چیف کو کہا کہ ہمیں کوئی مسئلہ نہیں ہے، بھارت کو جواب دیں، آگے بڑھیں۔

انہوں نے کہا کہ ہم نے اپنے سے 5 گنا بڑے ملک کو جو معاشی اوردفاعی لحاظ سے بہت آگے ہے کو بھرپور جواب دیا، بھارت خود کو علاقے کا ایس ایچ او سمجھتا تھا، ہم نے اس کا غرور توڑا، ہم نے صر ف اور صرف اللہ کی رضاکے لئے ملک کی حفاظت کی۔

وزیراعظم نے کہا کہ ہم نے بھارت کو ایسا جواب دیا کہ اس کاگھمنڈ توڑدیا، ہم چاہتے ہیں کہ ہماری خوشحالی اوردفاع ساتھ ساتھ چلیں۔

انہوں نے کہا کہ میں نے کاکول اکیڈمی میں دنیا کو آفر کی تھی کہ پہلگام حملے کی تحقیقات کروالیں ہم نے کوئی حملہ نہیں کیا، دنیا نے پاکستان کی بات کوتسلیم کیا اورہماری غیرجانبدارارنہ آفر کو قبول بھی کیا۔

ان کا کہنا تھا کہ بھارت نے پہلے حملہ کیا جس کے جواب میں پاکستان نے بھارت کے 6 طیارے تباہ کئے، ڈرون گرائے، یہ ہمارا ماسٹر اسٹروک تھا، ہم نے بھارت کا ایس یو400 سسٹم تباہ کیا، ہم بھارت کے مزید طیارے بھی گراسکتے تھے لیکن ہم نے مکمل احتیاط برتی۔

شہباز شریف کا کہنا تھا کہ ہم علاقے میں امن چاہتے تھے اور اس جنگ کی آگ کو بڑھانا نہیں چاہتے تھے جس کی وجہ سے ہم نے تحمل کامظاہرہ کیاورنہ ہم ان کے پرخچے اڑاسکتے تھے، جنگ کے دوران ہمارے تمام دفاعی اداروں میں مکمل کوآرڈی نیشن موجود تھا۔

وزیراعظم نے ہنستے ہوئے کہا آج بھی ہم نے چینی ٹیکنالوجی کابھرپورفائدہ اٹھایا ہے، ہم دنیا بھرمیں چین کی مارکیٹنگ کنٹری بن گئے ہیں، جنگ کے دوران ترکیہ، سعودی عرب، یواے ای، آذربائیجان نے ہمارا بے پناہ ساتھ دیا، چین ہمارے ساتھ مکمل طور پر کھڑا ہے۔

انہوں نے کہا کہ آرمی چیف نے فرنٹ سے لیڈ کیا، ہم نے اسی لیے ان کو فیلڈ مارشل بنایا ہے، وزیراعظم سے صحافیوں نے سوال کیا کہ آرمی چیف کو تو فیلڈ مارشل بنادیا گیا ہے، آپ کیا بنے ہیں، وزیراعظم نے ہنستے ہوئے جواب دیا کہ مجھے پولیٹیکل فیلڈ مارشل کہہ لیں۔

صحافیوں نے سوال کیا کہ تحریک انصاف کے لوگوں کو دیگر ممالک میں بھیجے جانے والے وفود میں شامل کیوں نہیں کیا گیا، وزیراعظم نے جواب دیا کہ دیگر ممالک میں جو وفود جا رہے ہیں وہ حکومتی سطح پر جا رہے ہیں۔

ان کا کہنا تھا کہ تحریک انصاف کے کچھ لوگوں نے بھارتی چینلز پر بیٹھ کرجو گفتگو کی ہے، اس کے بعد کیا ہم یہ رسک لے سکتے ہیں کہ ان کو ایسے مذاکرات میں جاکر بیٹھایا جائے۔

انہوں نے کہا کہ حکومت اپنی مدت پوری کرے گی یہ اللہ جانتاہے ہم صرف اپناکام کرتے ہیں ہمیں اس کے علاوہ کوئی بات نہیں کرنی۔

وزیراعظم کو جنگ جیتنے پر سینئر صحافیوں نے مبارک باد دی، وزیراعظم اور صحافیوں کے درمیان ملاقات میں وزیرقانون اعظم نذیر تارڑ،وزیردفاع خواجہ آصف ،وزیراطلاعات عطاء اللہ تارڑ، احسن اقبال، مصدق ملک، سیکریٹری اطلاعات عنبرین جان اور پی آئی او مبشر حسن بھی موجود تھے۔

پاکستان ایک ذمہ دار ریاست کی حیثیت سے خطے میں امن کے قیام کے لیے مسلسل کوششیں کر رہا ہے۔ پاکستان کی مسلح افواج نے ایک بار پھر بھارت کو مذاکرات کی پیشکش کر کے اپنی امن پسند پالیسی کا اعادہ کیا ہے۔

ڈی جی آئی ایس پی آر نے نیویارک ٹائمز سے گفتگو کرتے ہوئے بتایا کہ دونوں ممالک کے عسکری افسران کے درمیان رابطے کے لیے ایک مؤثر مکینزم موجود ہے جو فعال طور پر کام کر رہا ہے۔ پاکستان نے اپنے جانی و مالی نقصانات کے بارے میں شفافیت سے آگاہ کیا، مگر سوال یہ ہے کہ کیا بھارت بھی اسی دیانتداری کا مظاہرہ کر رہا ہے؟

جھوٹی خبریں پھیلانے کے الزام میں ارناب گوسوامی کے خلاف مقدمہ درج

بین الاقوامی جریدے ’نیویارک ٹائمز‘ کے مطابق حالیہ بھارتی میزائل حملے کے بعد پاکستان نے اپنے دفاع تک محدود اور محتاط ردعمل دیا۔ پاک فضائیہ نے مؤثر جوابی کارروائی کرتے ہوئے بھارت کے 6 جنگی طیارے مار گرائے، تاہم پاکستان نے کشیدگی کو بڑھانے کے بجائے ذمہ داری کا مظاہرہ کیا۔

مودی حکومت کا سکھ دشمن ایجنڈا، کرتارپور بندش کے بعد بھارتی شہریوں پر جاسوسی کے الزامات

نیویارک ٹائمز نے اپنی رپورٹ میں اس بات کو تسلیم کیا کہ پاکستان نے سیزفائر کا احترام کر کے ایک ذمہ دار ریاست ہونے کا ثبوت دیا ہے، جب کہ بھارت کی جانب سے اشتعال انگیزی کا سلسلہ تاحال جاری ہے۔