ممبئی:بولی وڈ کے مسٹر پرفیکٹ عامر خان ان دنوں میڈیا کی توجہ کا مرکز بنے ہوئے ہیں لیکن  یہ توجہ انہیں  فلموں یا اداکاری کی وجہ سے نہیں بلکہ خواتین کی طرح ناک چھیدوانے پر ملی ہے۔

ہندوستان ٹائمز کے مطابق  اداکار سشانت سنگھ راجپوت  نے انسٹا گرام پر ایک تصویر شیئر کی ہے جس میں وہ عامر خان کے ساتھ نظر آرہے ہیں تصویر میں عامر نے ناک میں چھوٹی سی سنہرے رنگ کی لونگ پہنی ہوئی ہے۔

And when you meet 'Inspiration' in the process !! #aamirkhan #perfectionist

A post shared by Sushant Singh Rajput (@sushantsinghrajput) on May 1, 2017 at 9:47pm PDT

مردوں کا کان چھیدوانا تو فیشن ہے بہت سے نوجوان لڑکے یہاں تک کہ شوبز کی مشہور شخصیات بھی کان میں بالی پہنتے ہیں   لیکن کسی آدمی کا ناک چھیدوانا  بہت حیران کن ہے یہ ہی وجہ ہے کہ  عامر کے مداح ان کے چہرے پر اس چھوٹی سی چیزکا اضافہ دیکھ کر  حیرت سے دنگ رہ گئے۔

بھارتی میڈیا میں گردش کرنے والی افواہوں کے مطابق  عامر نے یہ اسٹائل اپنی آنے والی فلم "ٹھگ آف ہندوستان"کیلئے اپنایا ہے،یہ پہلی بار نہیں ہے کہ عامر نے اپنے سراپے میں تبدیلی کی ہو بلکہ اس سے قبل بھی  وہ اپنی فلموں گجنی ،دھوم 3 اور دنگل کیلئے مختلف انداز اپنا چکے ہیں۔

گزشتہ برس ریلیز ہوئی فلم دنگل کیلئے عامر نے اپنے وزن میں 25 کلو گرام کا اضافہ کیا تھا جبکہ  اسی فلم میں نسبتاً کم عمر نظر آنے کیلئے کڑی محنت کےبعد عامر نے وزن میں کمی بھی کرلی تھی۔