بولی وڈ ستاروں کی زندگی جتنی زبردست اور پرآسائش ہے شاید ہی کسی کی ہو، لیکن جہاں دولت ہوتی ہے وہاں نشہ اپنے پنجے ضرور گاڑتا ہے۔  اس نشے سے مشہور بولی وڈ شخصیات بھی محفوظ نہیں ہیں۔

گذشتہ کئی سالوں میں بہت سے اداکاروں کو نشے کی لت لگی، جن میں سے کئی نے اس کا اعتراف  کیا اور علاج بھی کروایا۔  جبکہ کچھ اپنے کیرئیر کو تباہ کر بیٹھے۔

٭ سنجے دت

سنجے دت کا کہنا ہے کہ شاید ہی کوئی ایسا نشہ ہو جو انہوں نے نہ کیا ہو۔ لیکن بعد ازاں فیملی کی وجہ سے انہیں اپنا علاج کروانا پڑا۔ ان کا کہن اتھا کہ جب ڈاکٹر کو پتا چلا کہ میں کونسی ڈرگز لیتا ہوں تو اس نے کہا کہ اس حساب سے تو اب تک تمہیں مرجانا چاہئے تھا۔

٭  گیتانجلی ناگپال

گیتانجلی ناگپال ماضی کی مشہور ماڈلز  میں سے ایک تھیں جنہیں نشے کی لت نے گلیمر کی دنیا سے نکال کر سڑکوں پر بھیک مانگنے کیلئے مجبور کردیا تھا۔ اس وقت وہ ایک نفسیاتی ہسپتال میں زیر علاج ہیں۔

٭  رنبیر کپور

چاکلیٹ بوائے رنبیر کپور اپنے لُکس اور اداکاری کی وجہ سے مشہور ہیں، لیکن کیا آپ جانتے ہیں ، رنبیر کپور ویڈ اور پوٹ کے عادی ہیں۔  رنبیر نے ایک انٹرویو کے دوران بتایا کہ انہوں نے ویڈ کا نشہ فلم اسکول کے دوران شروع کیا۔

٭  ڈی جے عقیل

عقیل علی جنہیں ڈی جے  عقیل  کے نام سے بھی جانا جاتا ہے، ہریتک روشن کے بہنوئی ہیں۔  عقیل کو دبئی میں  ڈرگز رکھنے کے جرم میں گرفتار بھی کیا گیا تھا۔

٭ دھرمیندرا

لیجنڈری  اداکار دھرمیندرا کا کہنا ہے کہ شراب کی لت نے ان کے کیرئیر کو تقریباً  برباد کردیا تھا۔ انہوں نے 2011 میں اس لت سے جان چھڑائی کیوں کہ  ان کی صحت انتہائی خراب ہو چکی تھی۔

٭ ہنی سنگھ

بولی وڈ ریپر یو یو ہنی سنگھ  حال ہی میں ڈرگز اور الکوحل سے اپنی جان بچا پائے ہیں۔ ان کیلت نے انہیں تقریباً موت کے منہ میں دھکیل دیا تھا۔

٭ ممتا کلکرنی

ممتا کلکرنی نے جب ڈرگز لینا شروع کی تو ان کی بربادی کی شروعات ہو گئی، جس کے باعث انہیں کئی تنازعات کا شکار ہونا پڑا۔

٭  فردین خان

اپنے وقت کے نامور اداکار فردین خان 2001 میں جوہو پر کوکین کے ساتھ پکڑے گئے، جس کے باعث انہیں ایک لمبی قانونی جنگ لڑنی پڑی۔

٭  گوری خان

شاہ رخ خان کی اہلیہ گوری خان  برلن کے ائیر پورٹ پر میرییوانا  رکھنے لکے جرم میں پکڑی گئیں تھیں ۔ افواہیں ہیں کہ گوری بھی ایک ڈرگ ایڈیکٹ ہیں ، لیکن  آج تک اس کی تصدیق نہیں ہو سکی۔

٭  ارجن رامپال اور سوزین خان

ارجن کو میرییوانا کی لت ہے، کہا جاتا ہے  کہ اسی لت کی وجہ سے ان کی قربت ہریتک روشن کی اہلیہ سوزین خان سے بھی بڑی جو سوزین کی طلاق کا باعث بنی۔

٭ عرفان خان

عرفان خان نے بولی وڈ کے ساتھ ہولی وڈ میں بھی اداکاری کے جوہر دکھائے ہیں۔ عرفان مستقل میرییوانا کا استعمال کرتے ہیں۔

٭  وجے راز

وجے اپنی مزاحیہ اداکاری کے باعث بولی وڈ میں جگہ بنانے میں کامیاب ہوئے۔ انہوں نے دھمال،  رن اور کئی فلموں میں کمال کا کام کیا۔  2005 میں وجے کو دبئہی ائیر پورٹ پر ڈرگز لیجانے کے جرم میں گرفتار کیا گیا۔

٭ پروین بابی

پروین بابی  مہیش بھٹ سےدوری کے بعد ڈرگز اور شراب کیعادی ہوگئیں تھیں۔  انہیں مبینہ طور پر ایل ایس ڈی کی لت بھی تھی۔ بعد ازاں پروین اپنے اپارٹمنٹ میں مردہ پائی گئیں۔

بشکریہ Wittyfeed