معروف اداکارہ سجل علی نے سوشل میڈیا صارفین سے سوال پوچھا ہے کہ آیا وہ اتنی نفرت لے کر کہاں جائیں گے اور پھر پوسٹ میں انہوں نے خود ہی جواب دیا کہ کیا قبر میں ۔ یہ ردعمل میں انہوں نے کوک اسٹوڈیو کے کوکو کورینا گانے پر سوشل میڈیا صارفین کی تنقید کے بعد دیا۔

کوک اسٹوڈیو نے حال ہی میں ماضی بلاک بسٹر گانا کوکو کورینا جاری کیا تھا، اب کی مرتبہ یہ گانا احد رضا میر نے گایا تھا جبکہ انکا ساتھ مومنا مستحسن نے دیا تھا ، گزشتہ دو سے تین روز سے یہ گانا سوشل میڈیا پر ٹرینڈ ہورہا ہے۔

سوشل میڈیا صارفین نے گانے کے ریمیک پر عدم اطمینان کا اظہار کیا ہے اور ماضی کے گانے کو اس سے کئی درجہ بہتر قرار دیا ہے۔ حتی کہ اس ریمیک پر گزشتہ روز شیریں مزاری اور مومنہ مستحسن نے بھی سوشل میڈیا پر کافی بحث رہی۔

اب اس گانے کی حمایت میں اداکارہ سجل علی آئی ہیں ۔ اور انہوں نے تنقید کرنے والوں سے سوال پوچھا ہے کہ وہ یہ لے کر کہاں جائیں گے، طنزیہ طور پر اسکے لئے انہوں نے قبر کا استعمال کیا اور کہا کہ کیا وہ نفرت کو لے کر قبر میں جائیں گے۔

اپنی پوسٹ میں انہوں نے مزید کہا کہ ہمارے ملک میں اور بھی کئی معاملات اہم اور بحث طلب ہیں اسلئے اگر کسی کو گانا پسند ہے تو دیکھے نہیں تو اپنا چینل تبدیل کردے۔

کوک اسٹوڈیو میں فلمائے گئے گانے  کو کورینا پر ردعمل میں  ٹوئیٹر صارفین نے کہا ہے کہ اس نے کلاسیکل گانے کو کو کورینا کو برباد کیا ہے۔