یہ دوستی اے دوست تیرے دم سے ہے، پاکستان سمیت دنیا بھر میں دوستی کا عالمی دن آج منایا جارہا ہے، اس دن کو منانے کا مقصد دوستی کے رشتے کی اہمیت کو اجاگر کرنا ہے۔

لفظ دوستی احساسات اور جذبات سے سرشار ایک ایسا ناطہ جو سونے سے زیادہ مہنگا ہے۔

دوستی انسان کے عزیز ترین رشتوں میں سے ایک ہے، دنیا میں اصل غریب تو وہ ہے جس کے پاس کوئی مخلص دوست نہیں۔

یہ دوستی ہر دکھ، سکھ، خوشی، غم میں ساتھ نبھاتی ہے۔ جو ہم مزاج لوگوں کے درمیان بہترین سماجی رشتے کا ثبوت ہے۔

کسی نہ کسی روپ میں اپنی اہمیت و موجودگی کا احساس دلاتی ہے، چاھے یہ روپ کسی بھی رشتے کی شکل میں کیوں نہ ہو ہر رشتہ اسکے بغیر نامکمل ہے۔