Aaj TV News

BR100 4,355 Decreased By ▼ -47 (-1.07%)
BR30 22,192 Decreased By ▼ -255 (-1.14%)
KSE100 41,767 Decreased By ▼ -407 (-0.97%)
KSE30 17,710 Decreased By ▼ -180 (-1%)
COVID-19 TOTAL DAILY
CASES 288,047 747
DEATHS 6,162 9

لاہور:وزیراعلیٰ پنجاب عثمان بزدار کی ہدایت پر سرکاری دفاتر کی ناکارہ گاڑیوں، فرنیچر اور مشینری کی  نیلامی مکمل کرلی گئی۔

وزیراعلیٰ پنجاب عثمان بزدار کی ہدایت پر سرکاری دفاتر کی ناکارہ گاڑیوں، فرنیچر اور مشینری کی نیلامی سے حاصل ہونے والی75کروڑ روپے سے زائد کی رقم صوبائی خزانہ میں جمع کرادی گئی۔

عثمان بزدار کہتے ہیں کہ ان کا یہ اقدام دفاتر کو صاف اور نظام کو شفاف بنانے کی عمدہ مثال ہے، ڈویژنل کمشنرز، ڈپٹی کمشنرز، محکمہ پولیس اور دیگر انتظامی محکموں میں قواعد و ضوابط کے مطابق نیلامی کا عمل مکمل کیا گیا ہے۔

وزیراعلیٰ پنجاب کا کہنا تھا کہ ماضی کے ادوار میں سرکاری خزانے کو بے دردی سے لوٹا گیا،تحریک انصاف کی حکومت کی صوبے میں کفایت شعاری اور وسائل کے درست استعمال کی نظیر نہیں ملتی۔

وزیراعلیٰ عثمان بزدار نے مزید کہا کہ عوام کی فلاح اور بے لوث خدمت کا جذبہ ہو تو مسائل حل کرکے وسائل پیدا کئے جاسکتے ہیں۔