اسلام آباد:قومی اسمبلی نے آئندہ مالی سال کا وفاقی بجٹ 21-2020 کثرت رائے سےمنظورکرلیا۔

اسپیکر قومی اسمبلی اسد قیصر کی سربراہی میں فنانس بل 21-2020کی شق وار منظوری کا عمل مکمل ہوگیا، بجٹ کی منظوری کے دوران اپوزیشن کی ترامیم کو مسترد کردیا گیا ،اپوزیشن نے ایوان میں احتجاج کیا اور پلے کارڈز اٹھا کرنعرے بازی کی۔

بجٹ کی منظوری کے بعد اسپیکر اسد قیصر نے قومی اسمبلی کا اجلاس منگل کی صبح 11 بجے تک ملتوی کردیا۔

قومی اسمبلی کے بعد بجٹ کی منظوری سینیٹ سے بھی لی جائے گی جس کے بعد صدر مملکت اس پر دستخط کریں گے۔