نرسنگ اسٹاف کا اضافی فنڈز نہ ملنے پر احتجاج
کورونا جنگ کے فرنٹ لائن سولجرز کے لیے اضافی الاونسز اور کرونا فنڈز نہ ملنے پر پمز میں احتجاج کیا گیا ہے۔
احتجاج کے دوران اے ڈی پمز کے دفتر کا گھیراو بھی کیا گیا اور مطالبات منظور نہ ہونے پر احتجاج جاری رکھنے کا عندیہ بھی دے دیا۔
فرنٹ لائن سولجرز کے لیے اضافی مراعات کے اعلانات تو ہوتے رہے لیکن عملدآمد نہ ہو سکا۔
مراعات اور اضافی تنخواہ نہ ملنے پر پمز اسپتال کی نرسنگ اسٹاف نے احتجاج کیا ۔احتجاج کے دوران نرسنگ اسٹاف کا پمز انتظامیہ کے خلاف نعرے بازی بھی کی۔
نرسنگ اسٹاف کا کہنا تھا کہ اعلان تو کر دیا گیا لیکن نہ اضافی تنخواہ نہ کرونا الاونس ملا ۔اگر حالات ایسے ہی رہے تو کام کرنا ممکن نہ ہو گا۔
نرسنگ اسٹاف نے مطالبات منظور نہ ہونے پر احتجاج جاری رکھنے کا عندیہ بھی دے دیا۔
Comments are closed on this story.