Aaj TV News

BR100 5,282 Increased By ▲ 24 (0.46%)
BR30 27,601 Increased By ▲ 46 (0.17%)
KSE100 48,305 Increased By ▲ 53 (0.11%)
KSE30 19,479 Decreased By ▼ -59 (-0.3%)
COVID-19 TOTAL DAILY
CASES 939,931 1,194
DEATHS 21,633 57
Sindh 327,021 Cases
Punjab 343,703 Cases
Balochistan 26,152 Cases
Islamabad 82,065 Cases
KP 135,569 Cases

لاہور اور گردو نواح میں موسم بہتر ہونے کے باوجود غیر اعلانیہ لوڈ شیڈنگ کا سلسلہ جاری ہے،شہر کے مختلف علاقوں میں 4 سے 5 گھنٹے بجلی کی بندش سے شہری سخت پریشان ہیں۔

صوبائی دارالحکومت لاہور کے مختلف علاقوں میں اوسطا 4سے 5گھنٹے کی غیر اعلانیہ لوڈ شیڈنگ کا سلسلہ جاری ہے۔

گزشتہ روز آنے والی آندھی اور بارش کی وجہ سے کئی متاثرہ علاقوں میں بھی بجلی بحال نہیں کی جا سکی جس کی وجہ سے شہری مشکلات میں ہیں۔

گزشتہ روز کی بارش اور تیز ہواؤں کی وجہ سے گرمی کی شدت تو کم ہو گئی ہے، تاہم لیسکو کے سسٹم میں بہتری نہیں آ سکی۔

شہر میں ابھی بھی غیر اعلانیہ لوڈ شیڈنگ کا سلسلہ جاری ہے، شہر کے مضافات اور لیسکو کے دائرہ کار میں آنے والے چھوٹے شہروں میں بجلی کی بندش کا دورانیہ اور بھی زیادہ ہے۔

لیسکو حکام اعلانیہ یا غیر اعلانیہ لوڈ شیڈنگ کی مسلسل نفی کر رہے ہیں، ان کا کہنا ہے پالیسی کے مطابق لوڈ شیڈنگ صرف ان علاقوں میں کی جا رہی ہے جہاں پاور لاسز زیادہ ہیں۔