بھارتی جارحیت بھی کشمیریوں کے جذبہ آزادی کو کچلنےمیں ناکام رہی،پاک فوج
راولپنڈی :پاک فوج کے ترجمان میجر جنرل بابر افتخار نے یوم شہدائے کشمیر پر اپنے پیغام میں کہا ہے کہ کئی دہائیوں سے جاری بھارتی جارحیت بھی کشمیریوں کے جذبہ آزادی کو کچلنے میں ناکام رہی، شہداءکے لہو کا ایک ایک قطرہ نہ فراموش کیا جائے گا اور نہ ہی معاف کیا جائے گا، فتح ہی کشمیریوں کا مقدر ہے۔
یوم شہدائے کشمیر پر پاکستان کی مسلح افواج نے شہدائے کشمیر کو زبردست سلام عقیدت اور نہتے کشمیریوں کو خراج تحسین کیا۔
سماجی رابطے کی ویب سائٹ ٹوئٹر پر ڈی جی آئی ایس پی آر بابر افتخار نے اپنے پیغام میں کہا ہے کہ یوم شہدائے کشمیر آزادی کیلئے بہادر کشمیریوں کی لازوال قربانیوں کی یاد دلاتا ہے ،بہادر کشمیری شہداء کے لہو کا ایک ایک قطرہ نہ فراموش کیا جائے گا اورنہ ہی معاف کیا جائے گا۔
#KashmirMartyrsDay is reminiscent of utmost price paid 4 freedom by brave Kashmiris. Every single drop of blood shed, shall not be forgotten nor forgiven. Decades of Indian atrocities failed 2 suppress insurmountable spirit & legitimate freedom struggle, destined to succeed, IA
— DG ISPR (@OfficialDGISPR) July 12, 2020
ترجمان پاک فوج کا مزید کہنا تھا کہ دہائیوں سے جاری بھارتی مظالم، ناقابل تسخیر جذبے، جدوجہد آزادی کو دبانے میں ناکام رہے ، انشاء اللہ، کامیابی کشمیریوں کا مقدر ہے ۔
Comments are closed on this story.