علی حیدرزیدی کا بینظیر بھٹو کی وصیت قوم کے سامنے لانے کا مطالبہ
اسلام آباد:پاکستان تحریک انصاف کے رہنماء اوروفاقی وزیر علی حیدرزیدی نے پاکستان پیپلز پارٹی کے چیئرمین بلاول بھٹو زرداری سے بینظیر بھٹو کی وصیت قوم کے سامنے لانے کا مطالبہ کردیا۔
وفاقی وزیربرائے بحری امور علی حیدرزیدی نے سماجی رابطے کی ویب سائٹ ٹوئٹر پر اپنے ٹوئٹ میں کہاکہ ہاتھ سے تحریر کی گئی غیر تصدیق شدہ وصیت کو بینظیر بھٹو شہید کی وصیت کے طورپرپیش کرکے عوام کو بیوقوف بنانے کی کوشش کی گئی ، باپ اور بیٹے نے پیپلز پارٹی پرقبضے کیلئےبھی یہی جعلی کاغذ کا ٹکڑا استعمال کیا گیا ۔
بی بی شہید کا ایک "غیر تصدیق شدہ" خفیہ تحریری بیان جسے ان کی وصیہت کے طور پر پیش کیا گیا، قوم کوبے وقوف بنانے، پیپلز پارٹی پر قبضہ، انتخابات جیتنے اور لال شہباز قلندر کی سرزمین کو ۱۲سالوں تک تباہ کرنے کے لئے کافی تھا
— Ali Haider Zaidi (@AliHZaidiPTI) July 15, 2020
اب وقت ہے سب کا انکشاف کیا جائے ! #بلاولزرداریوصیہت_دیکھاو https://t.co/qO1kYiWYYW
علی حیدرزیدی نے مزید کہا کہ یہاں وہاں کی ہانکنے کی بجائے بی بی کی مبینہ وصیت قوم کو دکھائیں،انتخاب ہتھیانے اورلال شہبازکی سرزمین کو12سال تک بے رحمانہ لوٹ مارکا نشانہ بنانے کیلئے بھی یہی جعلی وصیت بروئے کارلائی گئی سارے جھوٹ بے نقاب کرنے کا وقت ہوا چاہتا ہے۔
Comments are closed on this story.