'جارحیت مسلط کی تو پاک فوج بھی مکمل تیار ہے'
آرمی چیف جنرل قمر جاوید عید الاضحیٰ کے پہلے روز لائن آف کنٹرول پہنچ گئے۔اگلے مورچوں پر تعینات افسروں اور جوانوں کے ساتھ عید مناتے ہوئے دشمن کو دو ٹوک پیغام دیا۔ سپہ سالار کہتے ہیں کہ ہم اپنے دشمن کے عزائم سے بخوبی آگاہ ہیں، جارحیت مسلط کی تو پاک فوج بھی مکمل تیار ہے۔
ڈی جی آئی آئی ایس پی آر میجرجنرل بابر افتخار کے مطابق آرمی چیف عید الاضحیٰ کے پہلے روز ایل او سی پہنچےجہاں انہوں نے اگلے مورچوں پر تعینات افسروں اور جوانوں کے ساتھ عید گزاری۔
اپنےخطاب کےدوران پاک فوج کےسپہ سالار نے کہا کہ ہم اپنے دشمن کے عزائم سے بخوبی آگاہ ہیں۔پاک فوج مکمل طور پر تیارہےاورکسی بھی جارحیت کا منہ توڑ جواب دینے کی صلاحیت رکھتی ہے۔
آرمی چیف نے مزید کہا کہ عیدالاضحیٰ غیر مشروط قربانی کا درس دیتی ہے۔ایک سپاہی سے زیادہ قربانی کے اس سبق کو کوئی نہیں سمجھ سکتا۔
آرمی چیف جنرل قمر جاوید باجوہ نے کشمیریوں سے مکمل اظہار یکجہتی اور تعاون کے عزم کا اعادہ کرتے ہوئے کہا کہ کشمیری جرات اور بہادری سے بھارتی ظلم و بربریت کا سامنا کر رہے ہیں۔کشمیری تمام تر رکاوٹوں کے باجود اپنےحق خودارادیت کے حصول کےلئے کوشاں ہیں۔
ایل او سی کےدورے پر کور کمانڈ رراولپنڈی لیفٹیننٹ جنرل اظہر عباس بھی آرمی چیف کے ہمراہ تھے۔
بعدازاں آرمی چیف نے اےایف آئی سی اور این آئی ایچ ڈی کا دورہ کیا۔جہاں آرمی چیف نے نیپ کارڈ کا سنگ بنیاد رکھا۔نیپ کارڈ میں امراض قلب پر جدید خطوط کے مطابق ریسرچ کی جائے گی۔
اس موقع پرآرمی چیف جنرل قمر جاوید باجوہ نے کہا کہ اے ایف آئی سی اور این آئی ایچ ڈی قومی سطح پر معیاری طبی سہولیات فراہم کررہا ہے۔کورونا وباء کی روک تھام میں ڈاکٹر اور ہیلتھ کیئر ورکرز فرنٹ لائن سپاہی ہیں۔
اے ایف آئی سی آمد پر ایڈجوٹننٹ جنرل لیفٹننٹ جنرل محمد عامر اور سرجن جنرل لیفٹیننٹ جنرل نگارجوہرنے آرمی چیف کا استقبال کیا۔
COAS visited troops deployed on frontlines along LOC in Khuiratta Sector. COAS spent time with troops on Eid day, commended their high morale, operational readiness & continuous vigil being maintained along the LOC. While interacting with troops, COAS said that Eid-ul-Azha (1/5) pic.twitter.com/arGxGWgcAh
— DG ISPR (@OfficialDGISPR) August 1, 2020...epitomises the essence of unconditional sacrifice. No one understands this spirit of sacrifice better than a soldier. Let us also reiterate our pledge to always stand by our Kashmiri brethren braving Indian atrocities for their right of self-determination despite all odds(2/5)
— DG ISPR (@OfficialDGISPR) August 1, 2020...COAS also visited AFIC and NIHD & performed earth breaking of NEPCARD where indigenous research on heart diseases will be carried out including their preventive measures. Appreciating contributions of Army Medical Corps, COAS said that AFIC & NIHD being state of the art (4/5)
— DG ISPR (@OfficialDGISPR) August 1, 2020...facility is providing high quality medical care at National level. He especially lauded the contributions of doctors and healthcare workers as frontline soldiers against COVID 19 pandemic. (5/5)
— DG ISPR (@OfficialDGISPR) August 1, 2020
Comments are closed on this story.