حال ہی میں شوبز کو خیرباد کہنے والے اداکار فیروز خان نے ٹک ٹاک کو کینسر قرار دیتے ہوئے حکومتِ پاکستان سے مطالبہ کیا ہے کہ اس ایپ پر پابندی لگائی جائے۔

ایک آن لائن انٹریو میں دورانِ گفتگو اُن سے سوال کیا گیا کہ ٹک ٹاک کے بارے میں آپ کی کیا رائے ہے تو انہوں نے اس ایپ کو کینسر قرار دیتے ہوئے پابندی کا مطالبہ کردیا۔

انہوں نے کہا کہ حال ہی میں مجھے میرے ایک دوست نے ویڈیو دکھائی جس میں ایک بچہ ریل گاڑی کے سامنے چل رہا تھا، فاصلے کا درست اندازہ نہ ہونے کی وجہ سے وہ حادثے کا شکار ہوگیا اور موقع پر ہی اپنی زندگی کی بازی ہار گیا۔

سابق اداکار نے مزید کہا کہ جو لوگ اس ایپ کے ذریعے پیسہ کما رہے ہیں وہ صرف عارضی ہے کیونکہ اس ایپ پر کبھی بھی پابندی لگ سکتی ہے۔ ویڈیو دیکھئے۔