وزیر اطلاعات ونشریات شبلی فراز نے کہا ہے کہ قومی خزانے کی لوٹ مار کرنے والوں کو یہ دولت واپس کرناہوگی اورملک کوہونےوالے نقصان کا جواب بھی دینا ہوگا۔

ایک ٹویٹ میں انہوں نے کہا کہ قومی خزانہ لوٹنے والے وزیراعظم عمران خان کی وجہ سے پریشان ہیں۔

انہوں نےکہاکہ پاکستان پیپلزپارٹی کے چیئرمین بلاول بھٹو زرداری قانون کی حکمرانی کا دعوی کرتے ہیں لہذا انہیں نواز شریف سے کہنا چاہیئے کہ وہ قانون کی حکمرانی یقینی بنانے کےلئے عدالت کے سامنے پیش ہوں۔

وفاقی وزیر نے کہا کہ بلاول بھٹو زرداری اور ان کے والد نے پیپلز پارٹی کو قومی پارٹی سے صوبائی سطح کی جماعت بنادیا ہے۔