اسلام آباد: الیکشن کمیشن نے ملک بھر کے رجسٹرڈ ووٹوں کی فہرست جاری کردی۔ پاکستان میں رجسٹرڈ ووٹوں کی تعداد 11 کروڑ 57 لاکھ 48 ہزار 753 ہوگئی، مرد ووٹرز 55 فیصد جبکہ خواتین ووٹرز 45 فیصد ہیں۔

الیکشن کمیشن نے ملک بھر کے رجسٹرڈ ووٹوں کی فہرست جاری کردی، پاکستان میں رجسٹرڈ ووٹوں کی تعداد 11 کروڑ 57 لاکھ 48 ہزار 753 ہوگئی۔ جاری کردہ فہرست کے مطابق پنجاب میں رجسٹرڈ ووٹرز کی تعداد 6 کروڑ 62 لاکھ 36 ہزار 144 ہے۔ سندھ میں رجسٹرڈ ووٹرز کی تعداد 2 کروڑ 43 لاکھ 51 ہزار 681 تک پہنچ گئی۔

اس کے علاوہ خیبرپختونخوا میں کل ووٹرز کی تعداد ایک کروڑ 95 لاکھ 33 ہزار 964، بلوچستان میں 48 لاکھ ایک ہزار 131 جبکہ اسلام آباد میں رجسٹرڈ ووٹرز کی تعداد 8 لاکھ 25 ہزار 833 ہے۔