Aaj TV News

BR100 4,112 Decreased By ▼ -52 (-1.26%)
BR30 20,622 Decreased By ▼ -321 (-1.53%)
KSE100 39,633 Decreased By ▼ -555 (-1.38%)
KSE30 16,693 Decreased By ▼ -210 (-1.24%)

مسلم لیگ نون کی نائب صدر مریم نواز نے کوئٹہ روانگی سے قبل جاتی امرا میں میڈیا سے گفتگو کرتے ہوئے کہا کہ این آر او کی ضرورت اب عمران خان کو ہے، عمران خان صرف اپنا قد اونچا کرنے کیلئے بار بار نواز شریف کا نام لیتے ہیں۔

مریم نواز نے کہا کہ سیلیکٹڈ کو پتا ہونا چاہئے کہ لندن میں بڑھکیں نہیں چلتیں بلکہ قانون کے مطابق فیصلے ہوتے ہیں۔

مریم نواز کا کہنا تھا کہ عمران خان نے نواز شریف کو لندن سے پاکستان لانے سے قبل ایم کیو ایم کے قائد کو واپس لانا کا کہا تھا مگر ایسا نہیں ہو سکا، جس انسان کو پتہ نہ ہو کہ پریشر میں کس طرح کام کرنا ہے تو وہ ایسی ہی باتیں کرتا ہے۔

مریم نواز نے کہا کہ نواز شریف کوئٹہ جلسے میں تقریر کریں گے۔ حکومت کی ساری توجہ نواز شریف پر ہے، چھوٹے لوگ قد بڑھانے کے لئے نواز شریف کا نام لے رہے ہیں، این آر او کی اب وزیراعظم عمران خان کو ضرورت ہے۔

نائب صدر مسلم لیگ نون کا مزید کہنا تھا کہ ان کے کمرے پر حملے اور کیپٹن صفدر کی گرفتاری سے حکومت نے بہت بدنامی کمائی ہے، کراچی واقع پر تحقیقات کرنے کا حق سندھ حکومت کو ہے۔