وزیراعلیٰ پنجاب عثمان بزدار نے کہا ہے کہ اپوزیشن کی جانب سے قوم کو تقسیم کرنے کی کوشش کی جارہی ہے۔ پاکستان کے عوام باشعور کرپٹ عناصر کے جھانسے میں کبھی نہیں آئیں گے۔ سیاست میں شائستگی کا دامن ہاتھ سے نہیں چھوڑنا چاہیے۔

لاہور میں وزیراعلیٰ پنجاب عثمان بزدار سے مسلم لیگ نون کے رکن پنجاب اسمبلی میاں جلیل احمد شرقپوری نے ملاقات کی اور اپنے حلقے کے مسائل سے آگاہ کیا۔

وزیراعلیٰ پنجاب نے جلیل احمد شرقپوری کے ساتھ پنجاب اسمبلی میں پیش آنے والے واقعہ کی مذمت کی اور مسائل حل کرنے کی یقین دہانی کرائی۔

وزیراعلیٰ کا کہنا تھا کہ اپوزیشن اراکین کی جانب سے کی گئی حرکت قابل مذمت اور قابل افسوس ہے۔ سیاست میں شائستگی کا دامن ہاتھ سے نہیں چھوڑنا چاہیے۔ ماضی کے حکمرانوں نے ون مین شو کے ذریعے تمام اختیارات اپنی ذات تک محدود رکھے، لیکن اب اراکین اسمبلی کو عزت و احترام دینگے۔

انہوں نے کہا کہ اپوزیشن کی جانب سے قوم کو تقسیم کرنے کی کوشش کی جارہی ہے۔ پاکستان کے عوام باشعور ہیں اورکرپٹ عناصر کے جھانسے میں کبھی نہیں آئیں گے۔