ڈپٹی اسپیکر قومی اسمبلی قاسم خان سوری نے شیخ رشید کی سیاسی پیش گوئیوں کو غیرسنجیدہ قرار دے دیا۔

لاہورچیمبرآف کامرس میں تاجروں سے خطاب اورمیڈیا سے گفتگو کرتے ہوئے قاسم خان سوری نے کہا کہ ملکی اقتصادیات کے اعشاریے بہتر ہو رہے ہیں۔ کووڈ سے متاثرہ معیشت کو بحال کرنے کےلئے کوششیں کی جارہی ہیں۔

شیخ رشید کی سیاسی پیش گوئیوں بارے سوال پر انہوں نے کہا کہ وہ ایسا کرتے رہتے ہیں اور لوگ پسند بھی کرتے ہیں۔

ڈپٹی اسپیکر قومی اسمبلی نے مہنگائی میں اضافے کا اعتراف کرتے ہوئے کہا کہ گندم اور چینی کی درآمد سے بہت جلد صورتحال بہتر ہوجائے گی۔ یوٹیلٹی سٹورز پر بھی سستی اشیائے صرف فراہم کی جارہی ہے۔

قاسم سوری کاکہناتھا کہ ملک میں طلب کے مقابلے میں گیس کی رسد بہت کم ہے۔ مہنگی آر ایل این جی کے معاہدے کی وجہ سے صورتحال خراب ہوئی ہے۔