راولپنڈی:بھارتی فوج کی لائن آف کنٹرول (ایل او سی )پر بلااشتعال سے ایک شہری شہید جبکہ 3 زخمی ہوگئے،پاک فوج کی جانب سے بھرپورجوابی کارروائی کی گئی۔

پاک فوج کے شعبہ تعلقات عامہ (آئی ایس پی آر )کے مطابق بھارت کی جانب سے لائن آف کنٹرول پر سیز فائر معاہدے کی مسلسل خلاف ورزیاں جاری ہیں۔

#IndianArmy troops #CFV in Rakhchikri & Khanjar Sectors along #LOC targeting civil population with rockets & mortars in Tari Band & Samahni villages. 1 citizen embraced shahadat, 3 civilians incl 2 women got injured. #PakArmy responded effectively targeting Indian Army posts.

— DG ISPR (@OfficialDGISPR) November 13, 2020

آئی ایس پی آر کے مطابق بھارتی فوج نےایل او سی کے کھانجراوررکھ چکڑی سیکٹروں پرشہری آبادی کو نشانہ بنایا،بھارتی فوج نے تاری بانڈ اورسماہنی گاؤں کی آبادی کو راکٹس اور مارٹرز سے نشانہ بنایا۔

بھارتی فوج کی بلا اشتعال فائرنگ سے ایک شہری شہید ہوگیا جبکہ 2خواتین سمیت 3شہری زخمی بھی ہوئے۔

آئی ایس پی آر کے مطابق پاک فوج نے بھرپورجوابی کارروائی کرتے ہوئے بھارتی چیک پوسٹوں کونشانہ بنایا ۔