Aaj News

جمعرات, مارچ 28, 2024  
17 Ramadan 1445  

ڈوین جانسن کی جسامت ڈائریکٹر کیلئے پریشانی کا باعث بن گئی

معروف ہالی وڈ اداکار ڈوین جانسن المعروف "دی راک" نے نہ چاہتے ہوئے...
شائع 16 نومبر 2020 10:33am

معروف ہالی وڈ اداکار ڈوین جانسن المعروف "دی راک" نے نہ چاہتے ہوئے بھی اپنی فلم کے ڈائریکٹر کو پریشانی میں ڈال دیا۔

ان دنوں ڈوین جانسن کی فلم "ریڈنوٹس" کی شوٹنگ جاری ہے۔ ایک سین کی شوٹنگ کے دوران ڈوین جانسن کو اسپورٹس کار میں بیٹھ کر ایکشن سین عکس بند کرانا تھا۔

فلم کے ایکشن سین کے لئے دنیا کی مہنگی ترین گاڑیوں میں سے ایک پورشے گاڑی کا انتخاب کیا گیا تھا۔ چوڑے کندھوں اور پیٹھ ہونے کی وجہ سے شوٹنگ کے دوران ڈوین جانسن گاڑی میں داخل نہ ہوسکے جس کی وجہ سے سیٹ پر موجود ڈائریکٹر سمیت دیگر ارکان حیران اور پریشان ہوگئے۔

ابتدا میں فلم کے ڈائریکٹر کو لگا کہ ڈوین جانسن مذاق کر رہے ہیں لیکن کچھ دیر بعد انہیں اور سب کو احساس ہوگیا کہ واقعی ڈوین جانسن کی باڈی بلڈروں والی جسامت کی وجہ سے وہ گاڑی میں داخل نہیں ہو پارہے۔ جس کے بعد سین کی شوٹ کے لئے مختلف طریقوں کو اپنایا گیا۔

A photo posted by Instagram (@instagram) on

ڈوین جانسن نے اپنے انسٹاگرام اکاؤنٹ پر فلم کے سیٹ پر پیش آنے والے اس واقعے کی تصویر بھی شیئر کی اور انہوں نے اس دوران جو ڈائریکٹر کے ساتھ گفتگو ہوئی وہ بھی لکھی۔

ڈوین جانسن کی اس پوسٹ پر فلم کے ڈائریکٹر نے بھی لکھا کہ ڈوین جانسن بالکل صحیح کہہ رہے ہیں۔ انہوں نے ان لمحات کو پسندیدہ قرار دیا۔

ڈوین جانسن کی ایکشن اور تھرل سے بھرپور اس فلم کو اسی سال نومبر میں ریلیز کیا جانا تھا تاہم کورونا وائرس کی پابندیوں اور لاک ڈاؤن کی وجہ سے اب فلم 2021 میں ریلیز کی جائے گی۔

Comments are closed on this story.

تبصرے

تبولا

Taboola ads will show in this div