Aaj TV News

BR100 4,231 Decreased By ▼ -22 (-0.51%)
BR30 21,389 Decreased By ▼ -14 (-0.07%)
KSE100 40,807 Decreased By ▼ -224 (-0.55%)
KSE30 17,160 Decreased By ▼ -135 (-0.78%)

سابق صدر آصف زرداری کی صاحبزادی بختاور بھٹو کے منگیتر کون ہیں؟ سوشل میڈیا پر غلط خبروں کے بعد پیپلزپارٹی نے وضاحت جاری کردی۔

بختاور کہتی ہیں محمود کا کسی امریکی خاندان سے کوئی تعلق نہیں، بدقسمتی سے منگنی کے کارڈز پہلے ہی لیک ہوگئے۔

سوشل میڈیا پر چہ مگوئیوں کے بعد پیپلزپارٹی نے وضاحتی بیان جاری کردیا، جس کے مطابق محمود چوہدری، محمد یونس اور بیگم ثریا چوہدری کے صاحبزادے ہیں جو لاہور سے تعلق رکھتے ہیں۔

محمد یونس اُنیس سو تہتر میں متحدہ عرب امارات منتقل ہوئے، جہاں اُنہوں نے ٹرانسپورٹ اور کنسٹرکشن کا کاروبار قائم کیا۔ پانچ بہن بھائیوں میں سب سے چھوٹے محمود چوہدری نے اٹھائیس جولائی اُنیس سو اٹھاسی میں ابوظہبی میں آنکھ کھولی۔ محمود نے ابتدائی تعلیم ابوظہبی اور گریجویشن ڈگری برطانیہ میں مکمل کی۔

بختاور نے بھی بیان کو ری ٹوئٹ کرتے ہوئے لکھا محمود چوہدری کا کسی امریکی خاندان سے کوئی تعلق نہیں۔ اُمید ہے کہ اس بیان کے بعد تمام غلط فہمیاں دور ہوجائیں گی۔ بدقسمتی سے منگنی کے کارڈز پہلے ہی لیک ہوگئے۔