مذہب کیلئے شوبز چھوڑنے والی ثناء خان نے مفتی سے شادی کرلی
مذہب کی خاطر شوبز انڈسٹری کو خیرباد کہنے والی سابق بھارتی ماڈل و اداکارہ ثناء خان ایک مفتی کے ہمراہ شادی کے بندھن میں بندھ گئیں۔
غیرملکی میڈیا رپورٹس کے مطابق حال ہی میں شوبز کو ترک کرکے دین کی جانب راغب ہونے والی سابق اداکارہ ثناء خان نے مفتی انس نامی شخص کو اپنا جیون ساتھی بنالیا ہے۔
شادی کی ویڈیوز سوشل میڈیا پر تیزی سے وائرل ہورہی ہیں جبکہ اُنہیں مداحوں کی جانب سے مبارکبادیں بھی پیش کی جارہی ہیں۔ ویڈیو ملاحظہ کریں۔
ویڈیوز میں سابق اداکارہ کو حجاب اور سفید رنگ کے عروسی لباس میں دیکھا جاسکتا ہے جبکہ اُن کے شوہر مفتی انس سفید کُرتا پاجامہ زیب تن کئے ہوئے ہیں۔
واضح رہے کہ ثناء خان کو بگ باس سیزن 6 میں شرکت کرنے کی وجہ سے شہرت ملی تھی تاہم انہوں نے کچھ عرصہ قبل یہ اعلان کیا تھا کہ وہ مذہب کی خاطر شوبز کی دنیا کو خیرباد کہہ رہی ہیں۔
Comments are closed on this story.