پشاور میں کورونا وائرس کے بڑھتے کیسز میں اضافے پر شہر کے مختلف علاقوں میں لاک ڈاؤن نافذ کردیا گیا۔

ضلعی انتظامیہ پشاور نے کورونا کیسز میں تیزی سے اضافے کے باعث شہر کے کئی علاقوں میں لاک ڈاؤن نافذ کرنے کا اعلامیہ جاری کردیا۔

ضلعی انتظامیہ کی جانب سے جاری کردہ اعلامیے کے مطابق حیات آباد فیز 7 اور فیز 4 کی چند گلیوں میں لاک ڈاؤن نافذ کیا جائے گا جبکہ حیات آباد انڈسٹریل اسٹیٹ کے چند علاقوں میں بھی لاک ڈاون نافذ کیا جائے گا ،اسی طرح کینٹ کے علاقے میں بھی آج لاک ڈاؤن نافذ کیا جائے گا۔

اعلامیے کے مطابق ان علاقوں میں کورونا وائرس کے کیسز زیادہ آرہے تھے اس لئے آج شام 6 بجے لاک ڈاؤن نافذ کردیا جائے گا۔