اسلام آباد:گلگت بلتستان کے نو منتخب وزیر اعلیٰ ایڈوکیٹ خالد خورشید نے اپنے عہدے کا حلف اٹھا لیا۔

نومنتخب وزیراعلیٰ گلگت بلتستان کی حلف برداری کی تقریب گورنر ہاوس گلگت بلتستان میں ہوئی۔

گورنر گلگت بلتستان راجہ جلال حسین مقپون نے نومنتخب وزیر اعلیٰ ایڈوکیٹ خالد خورشید سے حلف لیا۔

تقریب میں سابق نگراں وزیر اعلیٰ ،سپیکر امجد زیدی، چیف سیکرٹری خرم آغا سمیت دیگر مہمانوں نے شرکت کی، شرکا نے وزیر اعلیٰ کو مبارکباد بھی پیش کی۔