آرمی چیف کی بحرینی قیادت سے ملاقاتیں، دوطرفہ دفاعی تعلقات پر تبادلہ خیال
راولپنڈی:آرمی چیف جنرل قمرجاوید باجوہ نے بحرینی قیادت سے ملاقاتیں کی ،جس میں باہمی دلچسپی کے اموراوردوطرفہ دفاعی تعلقات پرتبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمرجاوید باجوہ نے بحرین کا 3روزہ سرکاری دورہ کیا جہاں پاک فوج کے سربراہ نے بحرین کے ولی عہد شہزادہ سلمان بن حماد بن عیسی الخلیفہ سے ملاقات کی۔
آئی ایس پی آر کے مطابق آرمی چیف نے بحرین کے وزیراعظم اورسپریم کمانڈربحرینی فوج کے کمانڈر انچیف اورنیشنل گارڈ کے کمانڈرسے بھی ملاقاتیں کیں۔
بحرینی قیادت سے ملاقاتوں میں باہمی دلچسپی کے امور،دوطرفہ دفاعی،سیکیورٹی اورعلاقائی تعاون پرتبادلہ خیال کیا گیا۔
آئی ایس پی آر کے مطابق بحرینی قیادت نے پاکستان کے ساتھ خصوصی تعلقات کومزید وسعت دینے کے عزم کا اظہارکیا۔
بحرینی ولی عہد شہزادہ سلمان بن حماد بن عیسیٰ الخلیفہ نے آرمی چیف جنرل قمر جاوید باجوہ کو دوطرفہ دفاعی تعاون کے فروغ پربحرین کے اعلیٰ ترین اعزاز”بحرین آرڈرفرسٹ کلاس “سے نوازا۔
آئی ایس پی آر کے مطابق دورے کے دوران آرمی چیف نے آرمی چیف نے پاک بحرین مشترکہ فوجی مشق کی اختتامی تقریب کا بھی مشاہدہ کیا اور پاک بحرین مشقوں میں تربیت کے معیار کو سراہا،مشقیں البدر5بحرین کے سخیرکیمپ میں منعقد کی گئیں۔
سربراہ پاک فوج جنرل قمر جاوید باجوہ نے تربیت کے معیاراورحاصل نتائج پراطمینان کا اظہارکرتے ہوئے کہا کہ فوجی مشقیں دہشتگردی کخلا ف دونوں ممالک کے اقدامات کی عکاس ہیں ۔
ISPR
Army Chief
Bahrain
General Qamar Javed Bajwa
سپریم کورٹ کا گجر، اورنگی اور محمود آباد نالہ متاثرین کو ایک ماہ میں الاٹمنٹ دینے کا حکم
ججز کا خط: عدلیہ میں مبینہ مداخلت کیخلاف سوموٹو پر سماعت کیلئے نیا بینچ تشکیل
صنعتی ترقی کیلئے کم لاگت پر بجلی کی فراہمی یقینی بنائیں گے، وزیر اعظم
نواز شریف کی ہدایت پر مسلم لیگ (ن) پنجاب کا ہنگامی اجلاس آج ہوگا
اسمگلنگ کی روک تھام میں آرمی چیف کی معاونت پر شکر گزار ہوں، وزیراعظم
Comments are closed on this story.