Aaj TV News

BR100 4,836 Decreased By ▼ -20 (-0.41%)
BR30 24,445 Decreased By ▼ -62 (-0.25%)
KSE100 45,727 Decreased By ▼ -204 (-0.44%)
KSE30 19,020 Decreased By ▼ -90 (-0.47%)

اکثر لوگ یہ شکایت کرتے نظر آتے ہیں کہ اُن کے ہاتھ یا پیر کے ناخن گوشت میں گھس جاتے ہیں اور اس کی وجہ سے ناخنوں میں پیپ پڑ جاتی ہے۔ اس کے علاوہ لوگ یہ بھی شکایت کرتے ہیں کہ اُن کے ناخن کمزوری کی وجہ سے ٹوٹ جاتے ہیں۔ تو ایسے لوگ جن کے ناخن گوشت میں گھس جاتے ہیں یا اُن کے ناخن کمزور ہیں تو وہ ان بہترین ٹوٹکوں پر ضرور عمل کریں۔

ٹوٹکا نمبر ایک:

اگر آپ کے ناخنوں کے ساتھ بھی اوپر بیان کردہ مسائل میں سے کوئی مسئلہ ہے تو بس آپ کو تازہ لیموؤں کا رس اپنے ناخنوں پر ملنا ہے، ایسا کرنے سے یہ مسئلہ حل ہوجائے گا۔

ٹوٹکا نمبر دو:

لیموؤں کا رس نکال کر اُس میں لال والا لاہوری نمک (اسے پہاڑی نمک بھی کہتے ہیں) شامل کریں اور اس محلول میں 20 منٹ تک اپنے ہاتھ یا پیروں کے ناخنوں کو ڈبو کر رکھیں۔ ایسا کرنے سے آپ کے ناخن گوشت میں گھسنا بند ہوجائیں گے جبکہ کمزور ناخن مضبوطی بھی پکڑ لیں گے۔

ٹوٹکا نمبر تین:

اس مسئلے کے حل کیلئے تیسرا ٹوٹکا یہ ہے کہ کھیرے کے چھلکے کو ناخنوں کے گرد گھما کر اسے کاغذ کے ٹیپ سے لپیٹ دیں، ایسا کرنے سے بھی ناخن مضبوط ہوجائیں گے اور گوشت میں گھسنا بھی بند ہوجائیں گے۔