Aaj TV News

BR100 4,857 Increased By ▲ 20 (0.42%)
BR30 24,630 Increased By ▲ 185 (0.76%)
KSE100 45,918 Increased By ▲ 192 (0.42%)
KSE30 19,133 Increased By ▲ 113 (0.59%)

کشمش قدرت کی ایک ایسی نعمت ہے جس کے ان گنت فوائد ہیں، یہ نہ صرف خون کی کمی کو دور کرتی ہے بلکہ قبض سے نجات اور معدے کی تیزابیت وغیرہ کو ختم کردیتی ہے۔ اس کے علاوہ یہ بخار سے تحفظ دیتی ہے، آنکھوں کی صحت کو بہتر کرتی ہے، جسمانی قوت کو بڑھاتی ہے اور ہڈیوں کو بھی مضبوط کرتی ہے۔ ذیل میں کشمش کے استعمال کے بے شمار فوائد بتائے جارہے ہیں۔

خون کی کمی دور کرے:

کشمش آئرن سے بھرپور ہوتی ہے، جو خون کی کمی دور کرنے میں اہم کردار ادا کرتی ہے، کشمش کو آسانی سے دلیہ، دہی یا کسی بھی میٹھی چیز میں شامل کرکے کھایا جاسکتا ہے۔

ذیابیطس کا شکار افراد یہ میوہ زیادہ نہ کھائیں اور ڈاکٹر کے مشورے سے ہی استعمال کریں۔

قبض سے نجات:

کشمش میں ٹارٹرک ایسڈ بھی پایا جاتا ہے جو ہلکے جلاب جیسا اثر دکھاتا ہے۔ ایک تحقیق کے مطابق آدھا اونس روزانہ کشمش استعمال کرنے والے افراد کا نظام ہاضمہ دوگنا تیزی سے کام کرتا ہے۔

معدے کی تیزابیت ختم کرے:

کشمش میں پوٹاشیم اور میگنیشیم ہوتا ہے جو کہ معدے کی تیزابیت میں کمی لاتے ہیں، معدے میں تیزابیت کی شدت بڑھنے سے جلدی امراض، جوڑوں کے امراض، بالوں کے گرنا، امراض قلب اور کینسر تک کا خطرہ بڑھ جاتا ہے۔

آنکھوں کی صحت بہتر کرے:

کشمش میں موجود اجزاء آنکھوں کو موتیا اور بینائی کی کمزوری سے تحفظ دیتے ہیں۔ اس میوے میں موجود بیٹاکیروٹین، وٹامن اے اور کیروٹین بھی بینائی کو بہتر بنانے میں مدد دیتے ہیں۔

جسمانی توانائی بڑھائے:

باڈی بلڈرز اور ایتھلیٹس کشمش کا استعمال اس لئے کرتے ہیں کیونکہ یہ میوہ وٹامنز، پروٹین اور دیگر غذائی اجزاء کو جسم میں موثر طریقے سے جذب ہونے میں مدد دیتا ہے۔ اس کے علاوہ کاربوہائیڈریٹس اور قدرتی چینی کی بدولت کشمش جسمانی توانائی کیلئے بھی اچھا ذریعہ ہے۔

ہڈیوں کو مضبوط بنائے:

یہ بات آپ جانتے ہی ہونگے کہ کیلشئم ہڈیوں کی مضبوطی کیلئے کس قدر ضروری ہے، کشمش میں کیلشئم کی بھی اچھی مقدار پائی جاتی ہے اور اس سے ہڈیاں مضبوط ہوتی ہیں۔