Aaj TV News

BR100 4,836 Decreased By ▼ -20 (-0.41%)
BR30 24,445 Decreased By ▼ -62 (-0.25%)
KSE100 45,727 Decreased By ▼ -204 (-0.44%)
KSE30 19,020 Decreased By ▼ -90 (-0.47%)

سابق پاکستانی فاسٹ بولر شعیب اختر نے دعویٰ کیا ہے کہ قومی کرکٹ ٹیم کے ہیڈ کوچ مصباح الحق کو ان کے عہدے سے ہٹا دیا گیا ہے اور نئے کوچ اینڈی فلاور پی ایس ایل کے بعد ذمہ داریاں سنبھالیں گے، انہوں نے یہ انکشاف اپنے یوٹیوب چینل پر کیا۔

راولپنڈی ایکسپریس کا کہنا ہے کہ کرکٹ کمیٹی نے ٹیم منیجمنٹ کو برقرار رکھنے کی سفارش کی ہے لیکن کمیٹی کی کوئی اہمیت نہیں، فیصلہ پہلے ہی ہوچکا ہے۔

ان کا مزید کہنا تھا کہ وقار یونس اپنی ملازمت بچانے کیلئے بھاگ دوڑ کررہے ہیں۔ اینڈی فلاور کوچ کے منظور نظر لڑکوں کو نہیں بخشیں گے۔

دوسری جانب پاک جنوبی افریقہ ٹیسٹ سیریز کیلئے پاکستان کے 20 رکنی اسکواڈ کا اعلان 15 جنوری کو ہوگا۔

چیف سلیکٹر محمد وسیم کہتے ہیں کہ ریجنل ہیڈ کوچز، مصباح الحق اور کپتان بابر اعظم سے مشاورت کرلی ہے، اعلان سے قبل کراچی میں سلیکشن کمیٹی سے دوبارہ مشاورت ہوگی۔