لاہور کی مقامی عدالت نے اداکار علی ظفر کی سوشل میڈیا پر کردار کشی کیس میں گلوکارہ میشا شفیع کے ساتھی علی گل پیر کی طلبی کے سمن جاری کردیئے۔

تفصیلات کے مطابق جوڈیشل مجسٹریٹ ذوالفقار باری نے کیس پر سماعت کی۔ عورت مارچ کی آرگنائزر لینا غنی، اداکارہ عفت عمر، فریحہ ایوب، فیضان رضا اور حسیم سمیت دیگر پیش ہوئے۔

عدالت میں ایف آئی اے کے تفتیشی افسر کی جانب سے رپورٹ پیش کی گئی۔ تفتیشی آفیسر نے عدالت کو بتایا کہ میشا شفیع اس کیس میں خانہ نمبر دو کی ملزم ہیں، ان کا چالان ابھی عدالت میں نہیں آیا۔

میشا شفیع ملک سے باہر ہیں اس وجہ سے شامل تفتیش نہیں ہوسکی۔ عدالت نے پیش نہ ہونے پر میشا شفیع کے ساتھی علی گل پیر کو طلبی کے سمن جاری کرتے ہوئے سماعت 9 فروری تک ملتوی کردی۔