Aaj TV News

BR100 4,381 Decreased By ▼ -20 (-0.46%)
BR30 16,863 Decreased By ▼ -630 (-3.6%)
KSE100 43,233 Decreased By ▼ -1 (-0%)
KSE30 16,718 Increased By ▲ 20 (0.12%)
COVID-19 TOTAL DAILY
CASES 1,286,453 431
DEATHS 28,761 8
Sindh 476,494 Cases
Punjab 443,379 Cases
Balochistan 33,491 Cases
Islamabad 107,848 Cases
KP 180,254 Cases

پولیس سسٹم سے متعلق ہر کسی کو شکایت ہوتی ہے کہ یہ لوگ رشوت لیتے ہیں تاہم اب کالی بھیڑوں کے ساتھ ساتھ اچھے لوگ بھی اس محکمے میں آنا شروع ہو گئے ہیں۔

سی سی ٹی وی کیمرے کی ایک فوٹیج سوشل میڈیا پر وائرل ہورہی ہے جس میں نوجوان پولیس افسر کو رشوت لینے سے انکار کرتے ہوئے دیکھا جاسکتا ہے۔ جس پر سوشل میڈیا صارفین پولیس عملے کی اس ایماندارانہ ڈیوٹی پر تعریف کے طبل بجا رہے ہیں کہ ہماری پولیس کا کلچر آہستہ آہستہ تبدیل ہو رہاہے۔

یہ وائرل ویڈیو راولپنڈی کے نیو ٹاؤن تھانے کی ہے۔ ویڈیو میں دیکھا جا سکتا ہے کہ فرنٹ ڈیسک آفیسر کو ایک درخواست گزار شخص پیسے دینا چاہ رہا ہے یہ کام کرنے کے عوض مٹھائی کے پیسے ہیں۔ مگر پولیس اہلکارپیسے لینے سے انکارکردیتا ہے۔

پیسے دینے والے صاحب بار بار اسرار کرتے ہیں مگر نوجوان افسر پیسے لینے سے مکمل انکاری ہو جاتا ہے۔

وہ شخص بارہا اس نوجوان کوپیسے لینے کی آفرکرتا بلکہ پورا زور لگاتا ہے یہاں تک کہ وہ شیشے کے نیچے سے ہاتھ آگے بڑھا کر پیسے دینے کی کوشش کرتا ہے مگر اس کے باوجود بھی نوجوان ہاتھ کے اشارے سے اُسے انکار کر دیتا ہے۔

رشوت نہ لینے کی پولیس اہلکار کی یہ سی سی ٹی وی ویڈیو سوشل میڈیا پر خوب وائرل ہوئی ہے اور سوشل میڈیا صارفین پولیس کلچر میں آنے والی اس مثبت تبدیلی کو سراہ رہے ہیں کہ شکر ہے پولیس کلچر تبدیل ہوااور ان لوگوں نے بھی ایمانداری سے اپنا کام کرنا شروع کیا ہے، ورنہ پولیس محکمہ رشوت کے حوالے سے اتنا بدنام ہے کہ جب تک کسی اہلکار کو رشوت نہ دی جائے تو ایک عام سا کام جو کہ پولیس کی اپنی ڈیوٹی میں شمار ہوتا ہے بھی نہیں ہو سکتا۔

تاہم حالیہ ویڈیو دیکھنے کے بعد لوگوں کی کچھ تسلی ہوئی ہے کہ شکر ہے کچھ اہلکاروں نے تو رشوت لینے سے انکار کیا اور امید ہے کہ آہستہ آہستہ رشوت کا سارا کلچر تبدیل ہو کر رہ جائے گا۔