Aaj TV News

BR100 4,696 Increased By ▲ 9 (0.2%)
BR30 18,731 Increased By ▲ 91 (0.49%)
KSE100 45,697 Increased By ▲ 85 (0.19%)
KSE30 17,976 Increased By ▲ 33 (0.19%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

اسلام آباد:پاکستان پیپلزپارٹی کے چیئرمین بلاول بھٹوزرداری نے کہا کہ حکومت یوسف رضا گیلانی کو نااہل کرانے کی کوشش کر رہی تھی جس میں وہ ناکام ہوگئی،یوسف رضا گیلانی کی جیت کے بعد آپ کو پارلیمان کے اندر واضح فرق نظر آئے گا۔

ڈپٹی چیئرمین سینیٹ سلیم مانڈوی والا نے ارکان سینیٹ کے اعزازمیں عشائیے کا اہتمام کیا جس میں چیئرمین سینیٹ صادق سنجرانی ، بلاول بھٹو زرداری ،چیئرمین سینیٹ کے امیدوار یوسف رضا گیلانی اور مولانا عبدالغفور حیدری سمیت دیگر اپوزیشن ارکان شریک ہوئے ۔

اس کے علاوہ ایم کیو ایم کے نو منتخب سینیٹر فیصل سبزواری بھی عشائیےمیں شریک ہوئے ۔

عشائیےسے خطاب کرتے ہوئے چیئرمین پیپلز پارٹی بلاول بھٹو نے کہا کہ حکومت کی کوشش سینیٹ الیکشن سے بھاگنا تھی، اب وہ اس کوشش میں بھی ناکام ہوئی، اب وہ بھاگ نہیں سکیں گے ،یوسف رضا گیلانی چیئرمین سینیٹ کا انتخاب جیت جائیں گے ۔

بلاول بھٹو زرداری کا مزیدکہنا تھا کہ ہم سب کو مل کر پارلیمان کی عزت اور وقار میں اضافہ کرنا ہے ۔

پیپلزپارٹی کے چیئرمین بلاول بھٹو زرداری نے اپوزیشن وحکومتی اتحاد کے سینیٹرزسے فرداًفرداً ملاقات کی۔

چیئرمین سینیٹ صادق سنجرانی نے سلیم مانڈوی والا سے ملاقات کی اور کھانا شروع ہونے سے قبل ہی روانہ ہوگئے۔