حج کا فریضہ ادا کرنے کیلیے کورونا ویکسین لگوانے کو لازمی قرار دے دیا گیا۔ سعودی عرب کی وزارت صحت کی جانب سے رواں برس اندرون اور بیرون ملک فریضہ حج کی ادائیگی کے لئے منظور شدہ ویکسین کی شرط عائد کردی گئی۔

نئی پالیسی کے تحت ذوالحج سے پندرہ روز قبل عازمین حج کو ویکسی نیشن کا کورس مکمل کرنا ہوگا۔

حج کے دوران سماجی فاصلہ اور ماسک کا استعمال بھی لازمی ہوگا،اس حوالے سے ہجوم کو کنٹرول کرنے کیلئے عازمین حج کے گروپس بنائے جائیں گے، ہر گروپ سو افراد پر مشتمل ہوگا

عازمین حج کومنظورشدہ ویکسین کامصدقہ ثبوت دیناہوگا،حکام کے مطابق حج کے دوران سماجی فاصلے کا اصول اور ماسک کی پابندی لازمی ہوگی۔

ہجوم کوکنٹرول کرنےکیلئےگروپس مرتب کئے جائیں گے۔ عازمین کا گروپ 100 افراد پر مشتمل ہوگا۔