سینیٹ میں اپوزیشن لیڈر یوسف رضا گیلانی نے کہا ہے کہ پی ڈی ایم اکٹھی ہے ، چاہتے ہیں پی ڈی ایم متحد رہے ۔

سینیٹ میں اپوزیشن لیڈر یوسف رضا گیلانی نے پریس کانفرنس کی ہے ، وہ کہتے ہیں مجھے بی اے پی نے ووٹ نہیں دیا ، پی ڈی ایم اکٹھی ہے ، چاہتے ہیں پی ڈی ایم متحد رہے ، ایک قدم کی وجہ سے غلط فہمی نہیں ہونی چاہیے ، ۔پی ڈی ایم جماعتوں کے سربراہاں سے مل کر ان کو اعتماد میں لوں گا ، چھوٹی چھوٹی باتوں پر اتحاد نہیں ٹوٹتے،

زرداری ہاوس اسلام آباد میں پریس کانفرنس سے خطاب کرتے ہوئے سینٹ میں قائد حزب اختلاف یوسف رضا گیلانی نے کہا کہ بی اے پی کی حمایت سے اپوزیشن لیڈر نہیں بنا ، ھم چا ہتے ہیں پی ڈی ایم متحد رہے ۔

ان کا کہنا تھا کہ پی ڈی ایم جماعتوں کو اعتماد میں لوں گا، اپوزیشن لیڈر کے لئے اکثریت دکھائی ہے۔

یوسف رضا گیلانی کا کہنا تھا کہ پارلیمنٹ کی آواز عوام کی آواز ہے ، ہمیں اس کو نظرانداز نہیں کرنا چاہیے،

انہوں نے مزید کہا کہ پی ڈی ایم سربراہی اجلاس میں اسمبلیوں سے استعفوں کے معاملہ پر اختلاف رائے تھا، اختلاف رائے جمہوریت کی روح ہے، پیپلزپارٹی اپنی سی ای سی کے اجلاس میں استعفوں کے معاملے پر فیصلہ کرے گی ۔

انہوں نے مزید کہا کہ پی ڈی ایم کو یقین دلاتا ہوں ہم اکٹھے تھے اور اکٹھے چلیں گے ، کوئی غلط فہمی نہیں ہونی چاہیے، میرا بطور اپوزیشن لیڈر انتخاب پی ڈی ایم کی کامیابی ہے۔