Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

الیکشن کمیشن نے مسلم لیگ ن اورپیپلزپارٹی کی ممنوعہ فنڈنگ کی تحقیقات کیلئے قائم سکروٹنی کمیٹی کا اجلاس 13 اپریل تک ملتوی کردیا ۔

سکروٹنی کمیٹی کوپیپلزپارٹی اورمسلم لیگ ن کے بینک اکاؤنٹس کا ریکارڈ موصول ہوگیا، فرخ حبیب کا کہنا ہے کہ پیپلزپارٹی نے 12 جبکہ ن لیگ نے 7 بنک اکاؤنٹس کی تفصیلات الیکشن کمیشن سے چھپائی۔

مسلم لیگ ن اور پیپلز پارٹی کی ممنوعہ فنڈنگ کی تحقیقات کیلئے سکروٹنی کمیٹی کا اجلاس الیکشن کمیشن میں ہوا۔

الیکشن کمیشن کی سکروٹنی کمیٹی نے پیپلزپارٹی کوتحقیقات کے لیے 13 اپریل کو دوبارہ طلب کر لیا ۔ درخواست گزار فرخ حبیب اور پیپلز پارٹی کے جونیئر وکیل سکروٹنی کمیٹی میں پیش ہوئے۔

میڈیا سے گفتگو میں پی ٹی آئی رہنما فرخ حبیب نے کہا کہ ن لیگ اورپیپلزپارٹی کی چوری پکڑی گئی۔ الیکشن کمیشن کو اسٹیٹ بنک کی جانب سے موصول رپورٹ کے مطابق پیپلزپارٹی نے 12 جبکہ ن لیگ نے 7 پارٹی اکاؤنٹس کی تفصیلات الیکشن کمیشن کو جمع نہیں کروائیں ۔

تحریک انصاف کے رہنما کا کہنا تھا منی لانڈرنگ اور کرپشن کرنے والوں کو ہم اب پتلی گلی سے بھاگنے نہیں دیں گے۔