Aaj News

جمعہ, مارچ 29, 2024  
18 Ramadan 1445  

جہانگیر ترین نے تحریک انصاف سے انصاف کی اپیل کردی

لاہور:پاکستان تحریک انصاف کے رہنماء جہانگیر ترین نے تحریک انصاف...
شائع 07 اپريل 2021 10:19am

لاہور:پاکستان تحریک انصاف کے رہنماء جہانگیر ترین نے تحریک انصاف سے انصاف کی اپیل کردی اور کہا کہ میں تودوست تھا دشمنی کی طرف کیوں دھکیل رہے ہیں؟ انتقامی کارروائی کیوں ہورہی ہے؟ ایک سال سے چپ بیٹھا ہوں،کیا میری وفاداری کا امتحان لیا جا رہا ہے؟،میری وفاداری کا ثبوت کس کو چاہیئے۔

بینکنگ کورٹ لاہور میں پیشی کے موقع پر میڈیا سے گفتگو کرتے ہوئےتحریک انصاف کے رہنماء جہانگیر ترین کا کہنا تھا کہ مجھ پر ایک دو نہیں 3 ایف آئی آر درج کروائی ہیں، ایک سال سے میرے خلاف شوگر کمیشن میں انکوائری چل رہی ہے۔

جہانگیر ترین کا کہنا تھا کہ سب شوگر ملز میں صرف جہانگیر ترین نظر آیا ہے، میرے اور بیٹے کے اکاؤنٹ منجمند کر دیئے گئے ہیں، افسوس کا مقام ہے کہ ہم تحریک انصاف سے انصاف مانگ رہے ہیں۔

رہنماء تحریک انصاف کا مزیدکہنا تھا کہ ایک سال سے میں چپ بیٹھا ہوں، میری وفاداری کا امتحان لیاجا رہا ہے، یہ کیا ہو رہا ہے۔

ایک سوال کے جواب میں جہانگیر ترین نے کہا کہ میری راہیں تحریک انصاف سے جدا نہیں ہوئیں، 10 سال پی ٹی آئی کیلئے خون پسینہ ایک کیا ہے، تحریک انصاف میں شامل تھا اور شامل رہوں گا۔

پی ٹی آئی رہنماء جہانگیر ترین نے مزید کہا کہ ظلم بڑھتا جا رہا ہے، جو بھی انتقامی کارروائی کر رہا ہے وقت آ گیا ہے اسے بے نقاب کیا جائے، عمران خان انتقامی کارروائی کرنے والوں کو بے نقاب کریں، میں تو دوست تھا دشمنی کی جانب کیوں دھکیل رہے ہیں۔

pm imran khan

lahore

Justice

Jahangir Tareen

Banking Court

Comments are closed on this story.

تبصرے

تبولا

Taboola ads will show in this div